Stelpurnar okkar
Anna Hildur Guðmundsdóttir.
Stelpurnar okkar, já stelpurnar okkar. Má ekki ennþá vera að fagna þó svo það séu liðnar 3 vikur frá því KA/ÞÓR urðu Íslandsmeistarar í Olísdeildinni. Jú jú ég segi það allavega.
Ég er íþróttamamma. Og hvað er það í mínum augum, jú ég á barn sem er í íþróttum. Ég var aldrei í íþróttum, æfði jú að vísu handbolta hjá Þór í smá stund, minnir mig, en ég á ekki langa sögu að æfa íþróttir.
Dætur mínar hafa prófað að æfa allskonar íþróttir. Við bjuggum í Reykjavík og ég man þegar eldri stelpan átti að keppa á sínu fyrsta alvöru fimleikamóti. Það var í Keflavík og hún átti að fara með félaginu sínu í rútu og vera allann daginn þar. Ég ætlaði að koma að horfa á. En ég komst ekki og ég gleymi aldrei vonbrigðunum hjá henni þegar hún kom heim og spurði hvar ég hefði verið!!! Ég fæ enn vont í hjartað þegar ég hugsa um þetta 16 árum seinna.
Síðan þá hef ég reynt af fremsta megni að taka þátt í íþróttaiðkun dætra minna. Ég hef skutlað og sótt á æfingar, ég hef tekið þátt í fjáröflunum, selt allskonar, ég hef þrifið klósett á N1 mótinu, ég hef smurt nesti fyrir íþróttaferðalög, ég hef farið sem fararstjóri og sofið á þunnum dýnum, ég hef hvatt áfram, ég hef tekið samtalið um hvað þetta er gott og skemmtilegt, ég hef nöldrað um mikilvægi svefns, ég hef skammað um að nú sé verið að æfa of mikið, ég hef minnt á matartíma og ég hef útskýrt að það þarf að færa fórnir til að ná árangri og þetta á allt eftir að borga sig einn daginn.
Og svei mér þá, það gerðist.
Liðið okkar, handboltaliðið okkar, stelpurnar okkar eru deildarmeistarar, meistarar meistaranna og íslandsmeistarar. Okkar allra hérna á Akureyri. KA/Þór. Ekki bara KA sigur eða Þórs sigur, heldur sameinað lið sem er besta lið landsins. Stelpur sem eru héðan, það þarf ekki að vera í einhverju stóru liði í Reykjavík til að ná árangri. Við erum besta liðið.
Þessar stelpur eru miklar fyrirmyndir, þær eru svo duglegar, og búnar að leggja helling á sig til að ná þessum árangri. Það er búið að sitja í rútu í allskonar veðrum, það er sko til sérstakt rútuteppi á heimilinu. Það er ekki bara að æfa og mæta í leik, nei nei. Ferðalagið tekur líka sinn tíma, því öll hin liðin eru jú alveg hinu megin á landinu. En þetta skilar sér í samheldni og liðsheild. Þessar stelpur þekkja hvor aðra mjög vel, og treysta hvor annarri jafn innan sem utan vallar. Þær vita hvað þær eru og hvað þær geta.
En af hverju er ég að tala um þetta, jú því þær þurfa stuðning, og fjárstuðning. Þetta kostar allt og núna þurfa fyrirtæki á svæðinu að bakka þetta flotta lið enn betur upp. Framundan er Evrópukeppnin. Og það þarf að eiga fyrir henni. Þær eru að gera þetta líka fyrir okkur, því þetta skapar samstöðu og gleði. Það er svo gaman þegar maður sér fólk ná árangri í sínum áhugamálum, því þetta er jú áhugamálið þeirra, þær eru flest allar í fullu starfi og/eða í skóla. Þetta eru stelpurnar okkar og við þurfum að styðja og hvetja þær áfram. Það er allt hægt. Þær sýndu okkur það. Þær eru bestar á landinu, lið KA/Þórs í handbolta. Áfram KA/ÞÓR
Ég skora á Sunnu Hlín Jóhannnesdóttur kennara, sem er með mér í Frístundaráðinu, í að skrifa næsta pistil. Ég veit að hún getur sagt frá einhverju skemmtilegu.
-Anna Hildur Guðmundsdóttir.
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir