Stefnir í 47 milljóna króna halla hjá VMA
Í ályktun frá skólanefnd Verkmenntaskólans á Akureyri koma fram miklar áhyggjur af rekstrarumhverfi skólans. Ágúst Torfi Hauksson, formaður skólanefndar VMA, hefur sent ályktunina fyrir hönd skólanefndar til menntamálaráðherra, þingmanna Norðausturkjördæmis og formanns allsherjar- og menntamálanefndar Alþingis. Í ályktun skólanefndarinnar segir:
Á síðustu árum hefur rekstur skólans orðið sífellt erfiðari. Þrátt fyrir mikið aðhald á öllum sviðum stefnir nú í að skólinn verði rekinn með verulegum halla árið 2014. Enn hefur launastika reiknilíkansins, sem reiknar fé til rekstrar framhaldsskólanna, ekki verið leiðrétt og hefur mismunurinn verið um 20% á raunverulegum meðallaunum í skólunum og þeim launum sem líkanið gerir ráð fyrir. Þrátt fyrir að yfirvöld stefni að því að lækka þetta hlutfall á næsta ári mun muna um 12% sem þýðir tuga milljóna króna skekkju í rekstrarforsendum svo stórs skóla sem VMA.
Nú er svo komið að hlutfall launa er komið vel yfir 80% af rekstrarkostnaði. Þá þarf skólinn að greiða 12% af ráðstöfunarfé sínu í húsaleigu og til annars reksturs húsnæðis. Þetta þýðir að skólinn hefur aðeins 6-8% af fjárframlagi sínu til annars rekstrar. Hefur þetta komið niður á mörgum sviðum skólastarfsins eins og því að ekkert fé hefur verið afgangs síðustu árin til endurnýjunar tækja og búnaðar; hvorki í þágu hefðbundins náms, eins og á húsgögnum, tölvum eða sérhæfðum tækjum á sviði fjölbreytts verknáms skólans. Eftir margra ára samdrátt og hagræðingu er nú svo komið að skólinn á í erfiðileikum með að standa við skuldbindingar sínar gagnvart nemendum og gagnvart ríkissjóði og stefnir nú í 47 milljóna króna halla um næstu áramót, eða 3,5% af gjöldum yfirstandandi árs.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
