Stefnir á 12 binda bókaröð
Sigurbjörn Benediktsson er 23 ára gamall kokkur frá Grenivík. Hann vinnur á Steikhúsinu í miðbæ Reykjavíkur en lætur kokkavaktirnar þó ekki nægja því á þessu ári gaf hann út sínar fyrstu tvær bækur. Hann er hvergi nærri hættur og stefnir á að serían muni telja 12 bækur. Bækurnar koma út á ensku og kallast þær Cook Your Ideas og eru aðgreindar með volume 1, 2 og svo framvegis.
Hver bók hefur sína áherslu, allt frá því hvernig á að smakka til mat til þess hvernig á að krydda og hvernig skal elda kjöt eða fisk, segir Sigurbjörn. Hann segir jafnframt að bækurnar séu ekki þessar hefðbundnu uppskriftabækur, því hann sé meira að hrinda fólki af stað í að elda sínar eigin hugmyndir óháð því hversu fært það sé í eldhúsinu. Sigurbjörn ákvað að birta ekki myndir af fullkláruðum réttum í bókunum heldur ferlinu sjálfu þar sem fólk verður oft fyrir vonbrigðum þegar það ber myndirnar saman við eigin rétt.
Skólaglósur verða að bókum
Hugmyndin að útgáfu bókanna kom þegar Sigurbjörn ætlaði að setja allar þær glósur sem hann hafði punktað niður í exel skjal til halda skipulagi. Hann gerði sér þá grein fyrir hversu miklu magni af upplýsingum hann hafði safnað í gegnum kokkaskólann og vinnuna og áttaði sig á að þarna gæti verið efni í bók eða bækur. Í febrúar á þessu ári setti Sigurbjörn hugmyndina sína inn á vefsíðu þar sem fólk deilir hugmyndum sínum með öðrum sem vilja koma eigin hugmyndum í framkvæmd. Það stóð ekki á viðbrögðunum og strax næsta dag hafði Sigurbjörn fengið tilboð frá fjórum aðillum sem vildu ganga beint í verkið.
Ég gat því bara valið úr besta tilboðið og eftir það voru hlutirnir fljótir að gerast. Nú vinnur Sigurbjörn með fólki í Bandaríkjunum og Bretlandi sem gaf út fyrstu bókina hans í apríl og þá seinni í haust. Bækurnar eru seldar á 73 heimasíðum út um allan heim meðal annars í Japan og í bókabúðum í 5 mismunandi löndum. Fyrsta prentun af hvorri bók var 1000 eintök.
Sellerí og sósa
Jólin hjá Sigurbirni eru ekki kerti og spil heldur sellerí og sósa og kemst hann lítið úr eldhúsinu. Það er líklega það versta við kokkalífið, að fá ekki að kíkja norður í þægilegheitin og hamborgarahryggin til mömmu og pabba. Ég næ þó kannski að bruna norður korter í jól og fæ þá ef til vill sneið af eftirréttinum sem er hin fræga Rafnsterta sem gengið hefur í gegnum marga ættliði. Sigurbjörn er ekki eini kokkurinn í fjölskyldunni því foreldrar hans og bræður starfa öll í sama geira.
-DP (Viðtalið birtist í Jólablaði Vikudags)
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
