„Stækkar skíðasvæðið til muna“
Ný stólalyfta verður tekin í notkun næsta vetur.
„Þessi gjöf hefur þá þýðingu að við náum að klára það verkefni okkar að kaupa og koma nýrri lyftu upp,“ segir Geir Gíslason formaður Vina Hlíðarfjalls. Samherjasjóðurinn gaf félaginu styrk til kaupa á nýrri skíðalyftu þegar afhending úr sjóðnum fór fram sl. helgi. Samherji gefur 80 milljónir til kaupa á stólalyftu.
Vinir Hlíðarfjalls höfðu þegar gert samning við Akureyrarbæ um kaup og uppsetningu á lyftunni. Stólalyftan og framkvæmdin sjálf kostar samanlagt 363 milljónir. Nýja lyftan er 1.238 m og er áætlaður ferðatími í lyftunni 8,5 mínútur. Samanborið er Fjarkinn stólalyftan 1.050 m og ferðatími 6,5 mín. Lyftan verður sett upp næsta sumar og tekin í gagnið veturinn 2018/2019. Hún verður staðsett sunnan við Fjarkann og mun ná langleiðina upp á topp.
Geir segir þetta mikla bót fyrir skíðasvæðið. „Þetta stækkar skíðasvæð ið mikið og t.d. verður hægt að renna sér niður dalinn og beint í lyftuna. Þá er stromplyftan farartálmi fyrir marga þar sem hún er í miklum bratta og yfirleitt eru toglyftur ekki notaðar í þessum halla erlendis. Þannig að þetta verður mikil breyting,“ segir Geir.
Akureyrarbær mun leigja lyftuna af Vinum Hlíðarfjalls og reka hana næstu 15 árin. „Ég er sannfærður um að þetta muni gera heilmikið fyrir svæðið. Þetta breytir öllu og mun trekkja mikið að. Hlíðarfjall er okkar stóriðja yfir veturinn og er það sem dregur fólk hingað,“ segir Geir Gíslason.
Vinir Hlíðarfjalls hafa stutt við rekstur skíðasvæðisins frá árinu 2006.
Afkastagetan eykst um fjórðung
Guðmundur Karl Jónsson, forstöðumaður í Hlíðarfjalli, segir lyftuna opna nýjar skíðaleiðir fyrir hinn almenna skíðamann. „Margir hafa ekki treyst sér til þess að fara í Stromplyftuna vegna þess hve brött hún er og svo finnst fólki óþægilegt að nota hana. Þess vegna veigraði það sér við að fara alla leið upp nema þá á tyllidögum. Afkastageta svæðisins kemur til með að aukast um rúmlega 24%. Þá mun skíðaleiðum fjölga og gera brekkurnar lengri,“ segir Guðmundur.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.