Spá 20 stiga hita á föstudaginn á Norðausturlandi

Það ætti að viðra vel á Akureyri um Hvítasunnuhelgina.
Það ætti að viðra vel á Akureyri um Hvítasunnuhelgina.

Veðurspáin fyrir Hvítasunnuhelgina á Norðausturlandinu er góð og spáir Veðurstofa Íslands allt að 20 stiga hita á föstu­dag. 

„Nú er hann lagst­ur í dæmi­gerðar sunna­nátt­ir með vætu sunn­an- og vest­an­lands, en þurrviðri á Norður- og Aust­ur­landi, jafn­vel sól­arglæt­ur og ekki út­lit fyr­ir breyt­ing­ar á næstu dög­um. Spáð er hlý­ind­um á norðaust­an­verðu land­inu og nær lík­lega 20 stig­um á föstu­dag yfir há­dag­inn. Held­ur sval­ara í súld­inni fyr­ir sunn­an, fer hiti varla mikið yfir 10 stig á þeim slóðum,“ seg­ir í hug­leiðing­um veður­fræðings á Veður­stofu Íslands. 

Í dag er varað við hvöss­um suðvest­an­vind­strengj­um sums staðar á norðvest­an­verðu land­inu,  einkum á Trölla­skaga.

Veður­spá fyr­ir næstu daga

Suðvest­an 10-18 m/​s, hvass­ast NV-lands. Súld eða rign­ing með köfl­um, en þurrt að kalla NA til. Hiti 7 til 15 stig, hlýj­ast fyr­ir aust­an.

Á fimmtu­dag:
Suðlæg átt, 8-13 m/​s og rign­ing eða súld með köfl­um, en víða bjartviðri NA-lands. Hiti 8 til 17 stig, hlýj­ast á A-landi.

Á föstu­dag:
Suðaust­læg átt, 8-15 m/​s og rign­ing eða súld, en bjartviðri NA-lands. Hiti 10 til 20 stig, hlýj­ast á NA-landi.

Á laug­ar­dag:
Sunn­an 8-13 m/​s og rign­ing með köfl­um, en yf­ir­leitt létt­skýjað NA til og áfram­hald­andi hlý­indi.

Á sunnu­dag (hvíta­sunnu­dag):
Hæg suðlæg átt og dá­litl­ar skúr­ir, en þurrt að kalla NA-lands. Held­ur kóln­andi veður.

Á mánu­dag (ann­an í hvíta­sunnu):
Lík­lega hæg suðvest­læg átt, þurrt að kalla og milt veður.

Á þriðju­dag:
Útlit fyr­ir vax­andi suðvestanátt og fer að rigna SV-lands um kvöldið.


Nýjast