Sorphirðugjald gæti hækkað um 20%
Á innfelldu myndinni er Silja Jóhannesdóttir.
Það liggur fyrir að sorphirðukostnaður Norðurþings hækkaði umtalsvert eftir síðasta útboð. Samið var við Íslenska Gámafélagið vegna söfnunar, flutnings, afsetningar og endurvinnslu úrgangs ásamt rekstri móttökustöðvar á Húsavík fyrir sveitarfélagið Norðurþing 2020-2024. Samningurinn byggir m.a. á útboðs- og verklýsingu frá því í janúar 2020 og tilboði fyrirtækisins frá 29. febrúar 2020.
Rekstraráætlun málaflokksins „08 Hreinsunarmál“ fyrir árið 2021 gerir ekki ráð fyrir að rekstrarkostnaður verði innan þess ramma sem málaflokknum hefur verið úthlutað í tengslum við fjárhagsáætlun 2021. Skipulags- og framkvæmdaráð telur mikilvægt að tekin verði afstaða í ráðinu til þess hvernig mæta skuli fyrirliggjandi kostnaðarauka í tengslum við sorphirðu í sveitarfélaginu. Á fundi ráðsins var bókað að horft sé til þess að hækkun á sorphirðugjaldi verði 20 prósent; að því gefnu að komið verði til móts við þá hækkun með lækkun annara álagningarliða þannig að álögum á íbúa verði stillt í hóf. Málinu var vísað til byggðarráðs sem frestaði afgreiðslu á fjárhagsáætlun málaflokksins fyrir 2021 þar til gjaldskrár liggja fyrir.
Rekstur sorpmála er stærsti liður málaflokksins sem um ræðir innan sveitarfélagsins. Silja Jóhannesdóttir, formaður skipulags- og framkvæmdaráðs Norðurþings sagði í samtali við Vikublaðið að gatið til að reka þennan málaflokk sé orðið það stórt að mjög erfitt verði að komast hjá því að hækka gjöld á íbúa. „Þetta er þjónustuliður sem á að standa undir sér samkvæmt lögum. Við höfum reyndar verið að greiða með þessu líkt og önnur sveitarfélög og það er enn þá gert víðs vegar um landið. Okkur langar hins vegar til að stíga einhver skref til að minnka gatið í málaflokknum að því gefnu að til komi lækkun á útgjaldaliðum í öðrum málaflokkum á íbúa. Yfir það heila reikna ég með að það verði einhver hækkun gjalda á íbúa en við viljum hafa þessar hækkanir hóflegar. Við í skipulags- og framkvæmdaráði erum bara að bíða eftir sviðsmynd frá byggðarráði hvort að þetta sé möguleiki,“ útskýrir Silja.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir