Snorri fer fram á 12 milljónir í bætur
Snorri í Betel.
Snorri Óskarsson hefur sent Akureyrarbæ bótakröfu, þar sem hann krefst samtals 12 milljóna króna í bætur vegna ólögmætrar uppsagnar. Í bréfi til bæjarins segist lögmaður hans vilja ná samkomulagi um endanlega upphæð, sem gæti orðið hærri. Þetta kemur fram í frétt á Rúv.
Snorra var sagt upp störfum hjá Akureyrarbæ, vegna ummæla um samkynhneigð sem hann lét falla á bloggsíðu sinni. Sú uppsögn var dæmd ólögmæt í Hæstarétti í febrúar og nú hefur lögmaður sent Akureyrarbæ kröfu, fyrir hönd Snorra. Þar er gerð grein fyrir bótakröfu vegna launa sem hann varð af, eins og hún var reiknuð af dómskvöddum matsmanni þann 1. maí á síðasta ári. Þá hafði nýlega fallið dómur í héraðsdómi, Snorra í vil, en Akureyrarbær ákvað stuttu síðar að áfrýja dómnum til Hæstaréttar.
Bótakrafan hljómar upp á tæplega 8 milljónir króna með vöxtum frá því í maí, en lögmaður Snorra vill ná samkomulagi um útreikning kröfunnar frá því í maí og þar til að dómur féll í Hæstarétti. Líklegt er því að þessi upphæð verði hærri.
Þá er gerð krafa um fjórar milljónir í miskabætur. Lögmaður Snorra tekur fram að krafan sem slík ætti ekki að vera umdeild. Annað gæti átt við um upphæðina og er hún sett fram ósundurliðuð, svo Akureyrarbær geti komist að niðurstöðu á eigin forsendum áður en viðræður hefjast. Takist ekki samkomulag um bæði bætur og miskabætur, verður málinu vísað til dómstóla, er segir á vef Rúv.
Bréfið hefur verið tekið fyrir hjá bæjarráði Akureyrarbæjar, sem fól bæjarstjóra og -lögmanni að leita samninga við lögmann Snorra.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.