Snæfell lagði Þór í Höllinni
Þórsarar tóku á móti Snæfellingum í Iceland Expressdeild karla í körfubolta í kvöld í Höllinni. Voru það gestirnir sem fóru með sanngjarnan sigur af hólmi 74-56 en munurinn var þó helst til stór miðað við gang leiksins. Jafnræði var með liðunum í fyrsta leikhluta en eftir hann leiddi Snæfell 25-20. Eins og tölurnar gefa til kynna var sóknarleikurinn í hávegum hafður í leikhlutanum, nokkuð sem átti ekki eftir að verða raunin í leiknum.
Annar leikhluti var skelfilegur að hálfu heimamanna sóknarlega, þeir skoruðu ekki nema 6 stig í leikhlutanum en til allrar hamingju fyrir þá var varnarleikur liðsins góður og gestirnir náðu því ekki meira en 13 stiga forskoti fyrir hálfleik 39-26.
Þriðji leikhluti var besti leikhluti Þórsara í leiknum, þeir léku sterka vörn og ágætis sóknarleik, það dugði þó ekki til þess að minnka muninn meir en um stig og leiddu Snæfellingar með 12 stigum, 54-42 þegar flautað var til síðasta leikhluta.
Mikil spenna virtist ætla að hlaupa í leikinn í fjórða leikhluta þegar heimamenn náðu að minnka munin í 8 stig þegar um 8 mínútur voru til leiksloka. Gestirnir voru hins vegar ekki lengi að slökkva í þeim vonum því þeir svöruðu með fimm stigum í röð og munurinn orðinn 13 stig þegar 7 mínútur voru eftir. Leikurinn var í jafnvægi næstu mínútur og munurinn alltaf á bilinu 10-12 stig. En þegar um 3 mínútur voru eftir virtust Þórsarar nánast gefast upp og Snæfellingar kláruðu leikinn auðveldlega með 18 stiga sigri 74-56.
Þórsarar hafa nú tapað sjö af síðustu átta leikjum sínum í deildinni og sakna Cedric Isom augljóslega mikið úr sóknarleik sínum enda skoraði liðið ekki nema 56 stig í kvöld.
Jón Orri Kristjánsson leikmaður Þórs sagði að þrátt fyrir mikinn mótbyr sé enginn uppgjafartónn í mönnum. ,,Nei nei, við ætlum alltaf að vinna næsta leik og við gefumst ekki upp þó að þetta hafi verið erfitt undanfarið. Við spiluðum fínan varnarleik í kvöld en gerðum illa sóknarlega. Annar leikhluti varð okkur auðvitað að falli, 6 stig skoruð í heilum leikhluta er alltof lítið. Við skulum ekki gleyma því samt að við vorum að spila á móti frábæru liði kvöld sem er að mínu mati eitt af þeim þremur bestu á landinu og náðum að halda þeim í 74 stigum þannig að það eru jákvæðir hlutir í þessu hjá okkur. Við ætlum okkur að taka sigur á móti FSU og ég er sannfærður um að það takist."
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.