Skýjaborgir
Þorkell Ásgeir Jóhannsson.
Ég ætla að kynna fyrir lesandanum tvö atvik sem varða flugöryggi.
Fyrir fáeinum árum varð bilun í farþegaflugvél örskömmu eftir flugtak til norðurs á Akureyrarflugvelli. Um var að ræða viðvörun um eld sem leiddi til þess að flugmennirnir urðu að stöðva annan hreyfilinn í öryggisskyni. Síðar kom í ljós að viðvörunin var fölsk en það breytti ekki stöðunni á stað og stund, því þessi flugvél hafði nú aðeins annan hreyfilinn til að knýja sig áfram á viðkvæmasta tíma rétt eftir flugtak, meðan hæð hennar var enn mjög lág og hraðinn einnig. Auk þess var slakt skyggni og lág skýjahæð svo vélin var þá þegar er þetta gerðist, komin í blindflug. Góð þjálfun flugmanna sem og snör og góð þjónusta flugumferðastjórans stuðluðu að öruggum viðsnúningi vélarinnar og lendingu aðeins örskömmu síðar.
Hitt tilfellið er reyndar ekki eitt atvik heldur öllu fremur tímabil bilunar sem leyndist í annari flugvél hér á landi um nokkurra vikna skeið, án þess að vart yrði við. Þar var um að ræða sjálfvirkan búnað til að nauðbeita lofrskrúfu flugvélahreyfils, ef til hreyfilbilunar eða –stöðvunar kemur. Þetta er afar nauðsynlegt til að lágmarka loftmótstöðu flugvélarinnar í slíkum tilvikum. Til lánsins reyndi ekki á þennan búnað meðan á þessari vanvirkni hans stóð.
Nauðbeiting loftskrúfu verður til þess að öll skrúfublöðin snúa frambrún sinni beint upp í loftstreymið og skrúfan stöðvast. Að öðrum kosti gerist það að skrúfublöðin verða sjálf loftmótsstaða og það sem verra er, þau halda áfram að snúast fyrir tilstilli þessa loftstraums sem lendir framan á þeim. Þetta verður til þess að allur snúningsflötur loftskrúfunnar verður að loftmótstöðu. Og það er enginn smáræðisflötur eins og sjá má á meðfylgjandi mynd.
Glöggt má sjá að ef allur þessi hlemmur fer að vinna sem loftmótstaða skerðir það svo mjög afkastagetu flugvélarinnar að ástandið vegna missis annars af tveimur mótorum verður hálfu verra. Þunghlaðin flugvél í þessu ástandi gæti t.a.m. misst alla klifurgetu og jafnvel átt í ströggli með að halda hæð sinni. Stefnustjórnun hennar verður auk þess afar erfið og gefur því auga leið hversu mikilvæg þessi nauðbeiting skrúfunnar á biluðum/stöðvuðum mótor er.
Hvað ef þessar flugvélar og þessi tilfelli hefðu nú verið ein og hin sömu? Langsótt? Jú vissulega en hefur þó gerst hér á landi, því eitt sinn varð Fokker-vél Flugleiða að fljúga suður frá Ísafirði eftir að mótor hennar hafði sprungið og eyðilagst í flugtaki þar, og ógerlegt var að nauðbeita skrúfunni hans. Flugið er mjög öruggur ferðamáti og það sem hér er reifað er sérlega fjarlægur tölfræðilegur möguleiki, en viðhald flugöryggis byggist samt sem áður á því að gera ráð fyrir því versta og reyna eftir megni að fyrirbyggja það.
Ef áhöfn flugvélarinnar sem sagt er frá í upphafi þessarar greinar hefði ekki getað nauðbeitt skrúfunni eftir stöðvun mótorsins, hefði brottflug hennar orðið í lítilli hæð yfir Oddeyrinni og ferill hennar þar að auki ónákvæmur vegna stóraukins álags á flugmennina sem þá hefði hellst yfir þá eins og brotsjór. En þá vildi svo vel til að leið þeirra út fjörðinn er að heita má hindrunarlaus svo ekki þarf að hafa áhyggjur af því. Enn sem komið er!
Setjum þetta nú í samhengi við háhýsin sem hugmyndir eru um að reisa á Oddeyrinni, mjög nærri brautarstefnunni. Hvernig líst lesandanum á það? Rétt er að taka það fram að reglur um hindranafleti og lágmarkshæðir í að- og brottflugsferlum nærri flugvöllum, sem áðurnefndar hugmyndir um háhýsabyggð á Oddeyri eru nú sagðar taka tillit til, gera ekki ráð fyrir mögulegri uppákomu eins og þeirri sem hér hefur nú verið reifuð. Og þó litlar líkur séu á svo alvarlegu atviki, þá er það engu að síður algerlega raunhæfur möguleiki enda eru dæmin sem ég hef nú rakið öll raunveruleg og engin afsökun getur réttlætt að gera ekki ráð fyrir þeim.
Flugsamgöngur og þau mannvirki og búnaður sem þeim fylgja eru engin afgangsstærð sem sveitar- og bæjarfélög geta umgengist af kæruleysi eða jafnvel hreinni vanvirðingu. Ég bið því alla hlutaðeigandi að gera svo vel að koma aðeins hérna niður á jörðina til okkar hinna með skýjaborgir sínar, og gera sér grein fyrir þessari staðreynd: Maður byggir ekki hindrun í formi háhýsa í einnar mílu fjarlægð frá flugvelli og það í stefnu flugbrautar hans!
-Þorkell Ásgeir Jóhannsson, höfundur er flugstjóri
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir