Skapar ævintýraheim í bakgarðinum -200 leikskólabörn á Akureyri hafa farið í skoðunarferð í garðinn
Hreinn Halldórsson fræðir leikskólabörn um Helga magra.
Hreinn Halldórsson, alþýðulistamaður, hefur undanfarin ár skapað tréskúlptúra/styttur í frítíma sínum. Við heimili hans á Oddeyrinni er stór bakgarður og þar eiga allar stytturnar sinn stað en öll verkin bera sín nöfn og séreinkenni. Sum þeirra má rekja til íslenskra bókmennta og ævintýra en síðustu ár hefur hugur Hreins og listsköpun snúið að sígildum ævintýrum sem eru honum minnistæð frá bernskuárunum. Hreinn hefur undanfarnar vikur tekið á móti 200 leikskólabörnum á Akureyri sem hann hefur boðið í heimsókn. „Í heimsóknunum hef ég lagt áherslu á að fræða börnin um hvert og eitt verk og vakið athygli þeirra á ævintýraheiminum þar sem ég útskýri fyrir þeim hlutverk hverrar ævintýrapersónu með sögum og fróðleik af þeim,“ segir Hreinn. „Yfirleitt er börnum bannað að koma við verk á söfnum. Ég hef hins vegar hvatt þau til að koma við verkin mín með það að markmiði að þau upplifi og skynji fjölbreyttan og ólíkan efnivið sem ég nota við listsköpun mína,“ segir Hreinn.
Börnin yfir sig hrifinn
Í byrjun ársins sýndi Hreinn valin verk í sýningarrými Amtbókasafnsins og vakti sýningin mikla athygli, ekki síst á meðal barna. „Með hækkandi sól ákvað ég að senda tölvupóst til allra leikskóla Akureyrarbæjar og bjóða elstu börnunum í leikskólunum að koma í skoðunarferð/heimsókn í ævintýragarðinn. Viðbrögðin við bréfinu létu ekki á sér standa.“ Í heimsóknunum röltir Hreinn um garðinn með börnunum og segir þeim frá ævintýrunum þar sem þetta eru mikið til ævintýrastyttur. „Ég hef t.d. gefið öllum dvergunum nöfn í Mjallhvít og dvergunum sjö og sagt hvaða hlutverk hver dvergur hefur innan hópsins. Börnin eru yfir sig hrifinn af þessu,“ segi Hreinn. Hann segist reikna með að fá allavega 50 leikskólabörn til viðbótar í heimsókn. „Leikskólar í næstu sveitarfélögum hafa sýnt þessu áhuga og leikskólinn í Hörgársveit hefur t.d. ákveðið að koma.“
Stytturnar orðnar 30 talsins
Hreinn flutti til Akureyrar fyrir 12 árum og fékk þá góða aðstöðu til að vinna við stytturnar. „Þessi ástríða greip mig föstum tökum og ég hef vart stoppað síðan. Núna eru þetta orðnar 30 styttur í heildina og þetta vekur gjarnan mikla athygli fólks sem á leið um,“ segir Hreinn Halldórsson.
-þev
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.