Sjúkrabílar farið sex ferðir um Vaðlaheiðargöng
Göngin eru þegar farin að auka öryggi íbúa segir forstjóri HSN.
Undanfarna daga hafa sjúkrabílar frá Húsavík farið sex ferðir í gegnum Vaðlaheiðargöng. Bæði vegna þess að Víkurskarðið er ófært en einnig vegna þess að tími flutnings hefur skipt máli. Þetta segir í svari frá Jóni Helga Björnssyni forstjóra Heilbrigðisstofnunar Norðurlands við fyrirspurn blaðsins.
Í einu tilfelli var um flutning á konu að ræða sem var komin að því að fæða. Víst þykir að hún hefði átt barnið í bílnum hefði ekki verið hægt að stytta sér leið í gegnum göngin.
„Göngin eru því þegar farin að auka öryggi íbúa í Þingeyjarsýslum með því að stytta tíma flutninga og með auknu öryggi um færð þegar veður eru válynd,“ segir Jón Helgi.
Óþolinmóðum vegfarendum vísað frá
Valgeir Bergmann, framkvæmdastjóri Vaðlaheiðarganga, segir að mikið áreiti hafi verið um sl. helgi vegna óþolinmóða vegfarenda sem vildu fara í gegn. Segir Valgeir að verktakinn hafi snúið við fjölda bíla sem komu inn í göng þegar Víkurskarðið var lokað. „En flestir sem hringdu höfðu skilning á því að verktakinn þyrfti vinnufrið til að klára verkið,“ segir Valgeir.
Um helgina var unnið í áfram haldandi axlarsteypu, rafbúnaðarvinnu um öll göng og einnig hófst borun og uppsetning á festingum fyrir gangablásara í þak ganganna.
Gjaldskráin birt í næstu viku
Gjaldskrá í Vaðlaheiðargöng verður birt þann 11. desember í síðasta lagi að sögn Valgeirs Bergmanns framkvæmdastjóra Vaðlaheiðarganga. Til stóð að birta verðið í göngin um mánaðarmótin síðustu.
„Þar sem við erum ekki komnir með staðfestan opnunardag þá var ákveðið að vera ekki að birta gjaldskránna strax. Ég reikna með að það verði gert í síðasta lagi 11. desember,“ segir Valgeir. Óvíst er hvenær hægt verði að opna göngin fyrir almenna bílaumferð en það gæti skýrst í næstu viku.
Nýjast
-
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá. -
Bakþankar bæjarfulltrúa Naglar í miðbænum
Það er eitt og annað rætt í nefndum bæjarins. Í einni þeirra kviknaði til dæmis sú hugmynd hvort ekki væri rétt að banna nagladekk á göngugötunni. Ég man ekki hver lagði þetta til enda ríkir trúnaður um það sem fram fer á nefndarfundum. Svo ekki spyrja mig. -
Eining Iðja Meira greitt úr sjúkrasjóði
Greiðslur úr sjúkrasjóði Einingar-Iðju á liðnu ári voru rétt tæpar 300 milljónir miðað við rúmar 266 milljónir árið áður. -
Heiðra Hjalta og vekja athygli á úrræðaleysi fyrir ungt fólk með geðrænan vanda
Viðburður til heiðurs Hjalta Snæ Árnasyni verður í Freyvangi í kvöld, föstudagskvöldið 9. maí og hefst hann kl. 20. Hjalti Snær hefði orðið 23 ára í dag. Hann fór í sína daglegu morgungöngu frá Laugarási í Reykjavík fyrir 7 vikum síðan, gekk þar í sjóinn og hefur enn ekki fundist. -
Enduruppbygging fram undan í Fálkafelli
Skipulagsráð Akureyrarbæjar hefur samþykkt að stækka lóðina við Fálkafell til samræmis við óskir Skátafélagsins Klakks en með því skilyrði að aðgengi almennings að lóðinni verði tryggt.