Silja ráðin samskiptastjóri Háskólans á Akureyri
Silja Jóhannesar Ástudóttir. Mynd/ Halldóra Krístín Bjarnadóttir.
Silja Jóhannesar Ástudóttir hefur verið ráðin í starf samskiptastjóra Háskólans á Akureyri. Hún tekur við starfinu af Katrínu Árnadóttur, sem undanfarin sjö ár hefur verið forstöðumaður Markaðs- og kynningarmála, og er hér því um nýtt starfsheiti að ræða með örlítið breyttum áherslum.
Hvaðan er Silja? „Ég er fædd í Glæsibæjarhreppi, sem í dag er Hörgársveit, flutti sem unglingur til Akureyrar og fór þaðan um tvítugt til Reykjavíkur. Það má segja að ég sé samsett frá mörgum stöðum eftir að hafa prófað búsetu víðsvegar á Íslandi,“ segir hún.
Silja er með MBA-gráðu frá Háskólanum í Reykjavík og BA-gráðu í stjórnmálafræði frá Háskóla Íslands, en auk þess hefur hún stundað nám í viðskiptafræði við Háskólann á Akureyri. Undanfarin ár hefur Silja starfað sjálfstætt sem verkefnastjóri og ráðgjafi við einstaklinga og fyrirtæki er varðar stofnun fyrirtækja, fjármögnun, sölu, viðskiptaáætlanir, vöruþróun, markaðssetningu, styrkjaumsóknir og tengslanet. Hún hefur komið að mörgum verkefnum sem tengjast sérstaklega nýsköpun á landsbyggðunum og starfaði áður m.a. hjá Samtökum sveitarfélaga og atvinnuþróunar á Norðurlandi eystra (SSNE) og Capacent. Almannatengsl hafa verið samofin þeim verkefnum sem Silja hefur annað hvort komið að eða stýrt undanfarin ár og þar á meðal mikil samskipti við fjölmiðla, stjórnvöld, fyrirtæki, stofnanir og sveitarfélög. Silja hefur nú þegar störf í hlutastarfi en kemur inn í fullt starf í haust.
Tækifæri í því hvernig HA kemur til móts við þarfir samfélagsins
„Það er alltaf áskorun að fara inn í jafn fjölbreytt samfélag og háskóli er, þar sem eru margir mismunandi hópar fólks sem þarf að tengja, skilja og sjá til þess að allir hafi rödd. Tækifærin felast klárlega í því hversu vel Háskólinn á Akureyri hefur nýtt sér tækifæri sem felast í tækninni og sveigjanleikanum í ekki stærri skóla hvað varðar það að koma til móts við þarfir samfélagsins,“ segir Silja.
En hvers hlakkarðu mest til í nýju starfi? „Að kynnast öllu fólkinu og fá tækifæri til að koma á framfæri og móta tækifærin sem felast í skólanum til framtíðar,“ segir Silja að lokum.
Fyrir starfa innan Markaðs- og kynningarmála Háskólans á Akureyri Kristjana Hákonardóttir, verkefnastjóri og vefstjóri, og Sólveig María Árnadóttir, verkefnastjóri samfélagsmiðla og samskipta.
Nýjast
-
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni. -
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel.
Athugasemdir