Segja upp ræstingafólki í hagræðingarskyni
Heilbrigðisstofnun Norðurlands (HSN) bauð nýverið út ræstingar og þrif á fimm starfsstöðvum HSN á Norðurlandi, í samstarfi við Ríkiskaup. Aðeins bárust tilboð í ræstingar á starfstöðvum stofnunarinnar á Húsavík og Akureyri.
Fyrirtækið Dagar átti eina tilboðið í ræstingar á Húsavík, liðlega 29,7 milljónir á ári. Lægsta tilboð á Akureyri átti fyrirtækið Hreint með rétt tæplega 8,3 milljónir. Gengið hefur verið til samninga við fyrirtækin. Ekki bárust tilboð í starfstöðvar á Sauðárkróki, Blönduósi og Siglufirði.
Jón Helgi Björnsson forstjóri HSN segir í samtali við Vikublaðið að útvistun ræstinga hjá stofnuninni sé liður í sparnaðaraðgerðum vegna hallarekstrar.
„Þetta er einfaldlega gert til að lækka kostnað. Það er þungur rekstur hjá stofnuninni og nauðsynlegt að reyna ná niður kostnaði,“ segir Jón og bætir við að þessar aðgerðir muni spara stofnuninni á bilinu 15-20 milljónir á ársgrundvelli.
Aðgerðunum mótmælt
Hagræðingin hefur lagst illa í starfsfólk allra deilda sem hefur hrundið af stað undirskriftarlistum til að mótmæla aðgerðunum. Aðalsteinn Á. Baldursson, formaður Framsýnar stéttarfélags er einnig harðorður í gagnrýni á hagræðinguna.
„Ég gef lítið fyrir útskýringar stjórnenda HSN. Hér er verið að ráðast að konum í láglaunastörfum. Þangað er ekkert að sækja til að laga fjárhagsstöðu stofnunarinnar,“ segir Aðalsteinn í samtali við Vikublaðið. Starfsmönnum var tilkynnt formlega um þessar breytingar á fundi með yfirmönnum HSN þar sem þeim voru afhent uppsagnarbréf. Aðalsteinn var viðstaddur fundinn þar sem hann skoraði á stjórnendur að draga þessa ákvörðun til baka. Því var hafnað.
Hefur skilning á óánægjunni
„Við höfum auðvitað skilning á því að fólk sé ekki ánægt með þetta. Staðreyndin er engu að síður sú að stofnunin er rekin með halla og við verðum að nýta alla möguleika til að lækka kostnað án þess að hafa árif á þjónustuna,“ segir Jón Helgi og bætir við að verið sé að beita örútboðum á alls konar kostnaðarliði.
„Okkar hlutverk sem stjórnenda er að tryggja þjónustu. Þess vegna leitum við ítrustu leiða til að hagræða í rekstrinum án þess að skerða þjónustuna,“ ítrekar Jón Helgi.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir