Góður vöxtur hjá Rauða krossinum
Árið 2018 lögðum við í Rauða krossinum við Eyjafjörð af stað í markvissa vegferð við að efla starfsemina okkar enn frekar með aukningu sjálfboðaliða og verkefna ásamt því að standast með glæsibrag allar þær auknu gæða- og fagkröfur sem lagðar hafa verið á starfsemina. Eftir mikla vinnu er skemmtilegt og gefandi að staldra nú við og skoða hvernig okkur hefur gengið að ná markmiðum okkar.
Hluti áfanga og árangurs 2018–2025
- Eyjafjarðardeild hefur verið í farabroddi við að ná samningum við sveitarfélög vegna textílmála - 2025.
- Aukning sjálfboðaliða um 39% á tímabilinu 2018-2024.
- Aukning verkeininga sjálfboðaliða um 41% á sama tímabili.
- Mannréttindaviðurkenning Akureyrarbæjar - 2024.
- RKÍ Eyjafirði er fjölbreyttasta deild landsins með tilliti til verkefnavals.
- RKÍ Eyjafirði er með eitt hæsta hlutfall sjálfboðaliða á landsvísu miðað við höfðatölu íbúasvæða.
- Starfsánægja mælist yfir 9.
- Rekstur 2018-2024 hefur verið jákvæður og stöðugur utan tímabils sem einkenndist af heimsfaraldri.
- Eyjafjarðardeild uppfyllir allar kröfur félagsins um vel starfandi deild.
Öll sem starfa með okkur og hafa gert s.l ár hafa lagt lóð sitt á vogaskálarnar við að ná þessum markmiðum. Saman erum við eitt stærsta afl mannúðar á Eyjafjarðarsvæðinu. Innilegar og miklar þakkir til ykkar allra - við getum sannarlega verið stolt af Rauða krossinum við Eyjafjörð.
Það er heimasíða Rauða krossins sem segir fyrst frá
Nýjast
-
Dag- og göngudeild geðdeildar Opið hús á morgun föstudag
Í tilefni Alþjóðlega geðheilbrigðisdagsins á morgun, 10. október, ætlar starfsfólk dag- og göngudeild geðdeildar SAk að opna dyrnar og bjóða gestum að kynna sér starfsemina, tækjabúnað og aðstöðu. -
Góður vöxtur hjá Rauða krossinum
Árið 2018 lögðum við í Rauða krossinum við Eyjafjörð af stað í markvissa vegferð við að efla starfsemina okkar enn frekar með aukningu sjálfboðaliða og verkefna ásamt því að standast með glæsibrag allar þær auknu gæða- og fagkröfur sem lagðar hafa verið á starfsemina. Eftir mikla vinnu er skemmtilegt og gefandi að staldra nú við og skoða hvernig okkur hefur gengið að ná markmiðum okkar. -
SAk - Finndu jafnvægið fyrir norðan
Sjúkrahúsið á Akureyri (SAk) hefur hrundið af stað nýrri kynningarherferð undir yfirskriftinni Finndu jafnvægið fyrir norðan sem miðar að því að vekja athygli á fjölbreyttum og spennandi atvinnutækifærum lækna á SAk -
Ógleymanleg stund
Hún var tilfinnningarík stundin í gær þegar þrír félagar af síðutogaranum Harðbak EA 3 hittust á nýjan leik það voru þeir Arngrímur Jóhannsson, Steingrímur Antonsson og Jón Björnsson Aspar. Reyndar voru Arngrímur og Jón að hittast í fyrsta sinn síðan í lok veiðiferðar Harðbaks á Nýfundalandsmið í febrúar 1959! -
Vinakaffi og bleikar slaufur í Hrísey
Kvenfélag Hríseyjar situr ekki auðum höndum þessa dagana. Í gær, þriðjudaginn 7. október stóðu félagskonur að Vinakaffi í tilefni að Viku einmannaleikans. Salurinn í Hlein var fullur af lífi og fjöri og á fimmta tug eyjaskeggja komu saman og nutu samverunnar. Á boðstólum var dásamlegt kaffibrauð ásamt kaffi og safa fyrir yngri gestina. -
Laugardagskaffi Hollvina Húna.
N.k laugardaginn 11. október kl 10.00 til kl 11.30 hefst hollvinakaffi Húna um borð í bátnum sem liggur við fiskihöfnina. -
Drift EA hefur valið sjö nýsköpunarfyrirtæki í Hlunninn.
Í júní 2025 fengu 18 verkefni inngöngu í Slipptökuna - nýsköpunarhraðal Driftar EA. Þar fengu teymin markvissa leiðsögn, aðgang að sérfræðingum og tækifæri til að þróa hugmyndir sínar áfram. Að loknum kynningum fyrir stjórn Driftar EA á lokadegi Slipptökunnar júní sl. voru sjö þeirra valin áfram í Hlunninn, sem veitir áframhaldandi heildstæða og sérsniðna aðstoð í allt að 12 mánuði. -
Listamannsspjall með Margréti Jóns og seinasti sýningardagur í Sigurhæðum
Laugardagurinn 11. október er seinasti sýningardagur á verkum Margrétar Jónsdóttur leirlistakonu, en eins og kunnugt er gerði Margrét einstök leirverk í formi persónuskúlptúra og myndaramma, sem hún vann sérstaklega fyrir Sigurhæðir í ár. -
A! Gjörningahátíð hefst á fimmtudaginn
A! Gjörningahátíð fer fram á Akureyri 9.-12. október næstkomandi. A! er fjögurra daga alþjóðleg gjörningahátíð sem haldin er árlega, nú í ellefta sinn, og er ókeypis inn á alla viðburði.