Jólatorgið opnar á laugardaginn
Heilmikið húllum hæ á Torginu n.k. laugardag
Ljósin á jólatrénu við Ráðhústorg verða tendruð laugardaginn 29. nóvember kl. 16 við hátíðlega athöfn á Jólatorginu.
Áður en hátíðardagskráin hefst leikur Lúðrasveit Akureyrar undir stjórn Sóleyjar Bjarkar Einarsdóttur létt jólalög fyrir gesti. Söngkonan Jónína Björt og Hallgrímur Jónas stíga svo á svið og flytja jólalög, Jóla Lóla og félagar úr leikhúsinu kíkja í heimsókn, jólasveinarnir mæta á svæðið og Barnakórar Akureyrarkirkju, undir stjórn Sigrúnar Mögnu Þórsteinsdóttur, syngja fyrir gesti. Erik Vilstrup Lorenzen, sendiherra Danmerkur, og Ásthildur Sturludóttir, bæjarstjóri, ávarpa gesti og í ár er það hin þriggja ára Amanda Schmidt Jensdóttir sem mun kveikja á jólatrénu.
Jólatorgið opnar kl. 15 og verður opið á laugardögum og sunnudögum frá 15-18 allar helgar fram að jólum. Á Jólatorginu eru skreytt jólahús með fjölbreyttum söluvarningi sem minna á jólin. „Nú opnum við Jólatorgið í annað sinn og það gleður okkur sérstaklega. Jólatorgið sló í gegn í fyrra og við höfum fundið fyrir enn meiri áhuga í ár, bæði frá þeim sem vilja taka þátt og frá gestum sem bíða spenntir eftir opnun. Það er eitthvað einstakt við að sjá miðbæinn fyllast af ljósi og fólki í notalegri jólastemningu í fallega miðbænum okkar,“ segir Elísabet Ögn Jóhannsdóttir, verkefnastjóri menningarmála hjá Akureyrarbæ.
Hægt er að fylgjast með dagskrá Jólatorgsins á vefsíðunni www.jolatorg.is
Frá þessu er sagt á akureyri.is
Nýjast
-
Fimmtudagskvöldið 27. nóvember kl. 20 verða tvær sýningar opnaðar í Listasafninu á Akureyri
Samsýningin Viðbragð og sýning á teikningum og skissum Jóhannesar Sveinssonar Kjarvals, Undir berum himni. Í tengslum við fyrrnefndu sýninguna fremur bandaríska listakonan Laura Ortman gjörning kl. 20.40. -
Jólatorgið opnar á laugardaginn
Ljósin á jólatrénu við Ráðhústorg verða tendruð laugardaginn 29. nóvember kl. 16 við hátíðlega athöfn á Jólatorginu. -
Skemmdarverk í Naustahverfi Tjón vegna rúðubrota um 1,2 milljónir króna
Varlega áætlað er tjón fimm húsfélaga sem eru við Kristjánshaga 2 , Davíðshaga 2 og 4, Elísabetarhaga 1 og Kjarnagötu 51 allt að 1,2 milljónir króna vegna skemmdarverka. -
Heimavinnu lokið – aftur atvinnuuppbygging á Bakka
Þrátt fyrir mótbyr í samfélaginu eru tækifærin til byggja upp bæði augljós og skýr. Sterkir innviðir, öflugt samfélag og auðlindir í Þingeyjarsýslum. Trú á eigin getu og samfélag er lykilatriði. Betri tímar koma ekki af sjálfu sér heldur með markvissum aðgerðum, heimavinnu og sameiginlegri framtíðarsýn. Á þessu kjörtímabili hefur verið lögð mikil vinna í undirbúning fyrir atvinnustarfsemi á svæðinu, sérstaklega iðnaðarsvæðið á Bakka með nægu landrými, aðgengi að höfn og orku. Þó við séum langt frá höfuðborgarsvæðinu hvar mestan og sjálfsagðan vöxt má finna er ljóst að uppbygging í Þingeyjarsýslum í námunda við Akureyrarborg er bæði hagkvæm og skynsamleg fyrir land og þjóð. Að skapa tekjur, störf og treysta búsetu. -
SAk- Enn koma hollvinir færandi hendi
Hollvinir Sjúkrahússins á Akureyri hafa fært lyflækingadeild Sjúkrahússins á Akureyri stóla og sófa að gjöf. -
Ljósaganga gegn kynbundnu ofbeldi
Á morgun, þriðjudaginn 25. nóvember, fer fram ljósaganga í tilefni 16 daga átaks gegn kynbundnu ofbeldi. -
SMHA í fararbroddi í símenntun og alþjóðlegu samstarfi
Símenntun Háskólans á Akureyri, SMHA, hefur á undanförnum árum unnið að því að festa sig í sessi sem sniðugasta símenntunareining landsins. Með ríka áherslu á sveigjanleika og aðgengi býður SMHA upp á fjölbreytt námsframboð sem hentar bæði einstaklingum sem vilja efla sig í starfi og fyrirtækjum og stofnunum sem leita leiða til að styrkja mannauð sinn. Námið er kennt með fjölbreyttum hætti, bæði í fjarnámi, staðnámi og í blönduðu formi, sem gerir þátttöku mögulega, óháð búsetu eða vinnuaðstæðum. -
Fjölskylduþjónusta Norðurlands eystra fær styrk
Akureyrarbær hlaut á dögunum styrk frá mennta- og barnamálaráðuneytinu fyrir verkefnið Fjölskylduþjónusta Norðurlands eystra. -
Framleiða snjó af fullum krafti í Hlíðarfjalli
Fyrsta brekkan í Hlíðarfjalli hefur verið opnuð en sú er eingöngu fyrir skíðaæfingar alpagreina. Þá hefur gönguskíðasvæðið einnig verið opnaða og segir Brynjar Helgi Ásgeirsson forstöðumaður í Hlíðarfjalli að skíðafólk sé aðeins farið að koma í fjallið.
