SAk - Finndu jafnvægið fyrir norðan
Sjúkrahúsið á Akureyri (SAk) hefur hrundið af stað nýrri kynningarherferð undir yfirskriftinni Finndu jafnvægið fyrir norðan sem miðar að því að vekja athygli á fjölbreyttum og spennandi atvinnutækifærum lækna á SAk .
Í herferðinni er sjónum sérstaklega beint að jafnvægi vinnu og einkalífs, sterkri liðsheild og þeim lífsgæðum sem Akureyri býður upp á.
Í tengslum við herferðina hafa verið tekin viðtöl við starfandi lækna á SAk þar sem þeir deila upplifun sinni af vinnunni, samheldni starfsfólks, áskorunum og tækifærum í starfinu og lýsa því hvers vegna Akureyri sé kjörinn staður til að starfa sem læknir. Viðtölin verða birt á vefsíðu SAk og deilt reglulega á samfélagsmiðlum næstu vikur.
„Við viljum sýna fram á hversu öflugur starfsvettvangur SAk er fyrir lækna og hversu miklu máli það skiptir að finna jafnvægi milli krefjandi starfs og lífsgæða utan vinnu,“ segir Ragnheiður Halldórsdóttir, framkvæmdastjóri lækninga.
Samhliða birtingu viðtalanna fara í birtingu auglýsingar á samfélagsmiðlum þar sem áhersla er lögð á einstakt starfsumhverfi SAk og öll lífsins gæði á Akureyri.
Í október mun starfshópur á vegum heilbrigðisráðherra sækja íslenska lækna á Norðurlöndum heim. Hópurinn mun kynna starfsaðstæður lækna á Ísland, einkum í ljósi nýs kjarasamnings og jafnframt í víðara samhengi. Fulltrúi frá SAk fer með hópnum og munn hann kynna þeim spennandi starfsumhverfi SAk og þá styrku samfélagslegu innviði sem Akureyri býður upp á.
Með herferðinni vill SAk styrkja stöðu sína sem eftirsóknarverður vinnustaður fyrir lækna og hvetja fagfólk til að finna jafnvægið fyrir norðan.
Nánari upplýsingar veita:
Helgi Þór Leifsson, framkvæmdastjóri klínískrar þjónustu, hl1009@sak.is
Ragnheiður Halldórsdóttir, framkvæmdastjóri lækninga, ragnhh@sak.is
Kristjana Kristjánsdóttir, deildarstjóri mannauðsdeildar, kristjanak@sak.is
Nýjast
-
Dag- og göngudeild geðdeildar Opið hús á morgun föstudag
Í tilefni Alþjóðlega geðheilbrigðisdagsins á morgun, 10. október, ætlar starfsfólk dag- og göngudeild geðdeildar SAk að opna dyrnar og bjóða gestum að kynna sér starfsemina, tækjabúnað og aðstöðu. -
Góður vöxtur hjá Rauða krossinum
Árið 2018 lögðum við í Rauða krossinum við Eyjafjörð af stað í markvissa vegferð við að efla starfsemina okkar enn frekar með aukningu sjálfboðaliða og verkefna ásamt því að standast með glæsibrag allar þær auknu gæða- og fagkröfur sem lagðar hafa verið á starfsemina. Eftir mikla vinnu er skemmtilegt og gefandi að staldra nú við og skoða hvernig okkur hefur gengið að ná markmiðum okkar. -
SAk - Finndu jafnvægið fyrir norðan
Sjúkrahúsið á Akureyri (SAk) hefur hrundið af stað nýrri kynningarherferð undir yfirskriftinni Finndu jafnvægið fyrir norðan sem miðar að því að vekja athygli á fjölbreyttum og spennandi atvinnutækifærum lækna á SAk -
Ógleymanleg stund
Hún var tilfinnningarík stundin í gær þegar þrír félagar af síðutogaranum Harðbak EA 3 hittust á nýjan leik það voru þeir Arngrímur Jóhannsson, Steingrímur Antonsson og Jón Björnsson Aspar. Reyndar voru Arngrímur og Jón að hittast í fyrsta sinn síðan í lok veiðiferðar Harðbaks á Nýfundalandsmið í febrúar 1959! -
Vinakaffi og bleikar slaufur í Hrísey
Kvenfélag Hríseyjar situr ekki auðum höndum þessa dagana. Í gær, þriðjudaginn 7. október stóðu félagskonur að Vinakaffi í tilefni að Viku einmannaleikans. Salurinn í Hlein var fullur af lífi og fjöri og á fimmta tug eyjaskeggja komu saman og nutu samverunnar. Á boðstólum var dásamlegt kaffibrauð ásamt kaffi og safa fyrir yngri gestina. -
Laugardagskaffi Hollvina Húna.
N.k laugardaginn 11. október kl 10.00 til kl 11.30 hefst hollvinakaffi Húna um borð í bátnum sem liggur við fiskihöfnina. -
Drift EA hefur valið sjö nýsköpunarfyrirtæki í Hlunninn.
Í júní 2025 fengu 18 verkefni inngöngu í Slipptökuna - nýsköpunarhraðal Driftar EA. Þar fengu teymin markvissa leiðsögn, aðgang að sérfræðingum og tækifæri til að þróa hugmyndir sínar áfram. Að loknum kynningum fyrir stjórn Driftar EA á lokadegi Slipptökunnar júní sl. voru sjö þeirra valin áfram í Hlunninn, sem veitir áframhaldandi heildstæða og sérsniðna aðstoð í allt að 12 mánuði. -
Listamannsspjall með Margréti Jóns og seinasti sýningardagur í Sigurhæðum
Laugardagurinn 11. október er seinasti sýningardagur á verkum Margrétar Jónsdóttur leirlistakonu, en eins og kunnugt er gerði Margrét einstök leirverk í formi persónuskúlptúra og myndaramma, sem hún vann sérstaklega fyrir Sigurhæðir í ár. -
A! Gjörningahátíð hefst á fimmtudaginn
A! Gjörningahátíð fer fram á Akureyri 9.-12. október næstkomandi. A! er fjögurra daga alþjóðleg gjörningahátíð sem haldin er árlega, nú í ellefta sinn, og er ókeypis inn á alla viðburði.