Listamannsspjall með Margréti Jóns og seinasti sýningardagur í Sigurhæðum
Listamannsspjall með Margréti Jóns og seinasti sýningardagur í Sigurhæðum n.k. laugardag
Laugardagurinn 11. október er seinasti sýningardagur á verkum Margrétar Jónsdóttur leirlistakonu, en eins og kunnugt er gerði Margrét einstök leirverk í formi persónuskúlptúra og myndaramma, sem hún vann sérstaklega fyrir Sigurhæðir í ár.
Verk Margrétar eru í frjóu samtali við menningararf staðarins og aðra listsköpun og samfélagsþróun í okkar samtíma. Sýning hennar í Sigurhæðum hefur verið liður í 40 ára starfsafmælis Margrétar sem myndlistamanns.
Í listamannsspjalli sem Hlynur Hallsson leiðir með Margréti kl 13 þennan laugardag skoðum við verk hennar nánar, líka í samhengi við ljósmyndir, söguskoðun, sjálfsmyndir, framsetningu og hlutverk listafólks í samfélaginu.
Eftir það gefst gestum og gangandi tækifæri til kynnast Sigurhæðum betur og rölta um húsið, en þennan dag er staðurinn annars líka opinn frá klukkan 9 um morguninn og til klukkan 17 og er þetta seinasti formlega opni dagur hjá Flóru Menningarhúsi í Sigurhæðum í ár.
Enginn aðgangseyrir og öll innilega velkomin.
Nýjast
-
Drift EA hefur valið sjö nýsköpunarfyrirtæki í Hlunninn.
Í júní 2025 fengu 18 verkefni inngöngu í Slipptökuna - nýsköpunarhraðal Driftar EA. Þar fengu teymin markvissa leiðsögn, aðgang að sérfræðingum og tækifæri til að þróa hugmyndir sínar áfram. Að loknum kynningum fyrir stjórn Driftar EA á lokadegi Slipptökunnar júní sl. voru sjö þeirra valin áfram í Hlunninn, sem veitir áframhaldandi heildstæða og sérsniðna aðstoð í allt að 12 mánuði. -
Listamannsspjall með Margréti Jóns og seinasti sýningardagur í Sigurhæðum
Laugardagurinn 11. október er seinasti sýningardagur á verkum Margrétar Jónsdóttur leirlistakonu, en eins og kunnugt er gerði Margrét einstök leirverk í formi persónuskúlptúra og myndaramma, sem hún vann sérstaklega fyrir Sigurhæðir í ár. -
A! Gjörningahátíð hefst á fimmtudaginn
A! Gjörningahátíð fer fram á Akureyri 9.-12. október næstkomandi. A! er fjögurra daga alþjóðleg gjörningahátíð sem haldin er árlega, nú í ellefta sinn, og er ókeypis inn á alla viðburði. -
Sérfræðihjúkrun eflir heilbrigðisþjónustu í dreifbýli
Hjúkrunarfræðingar á litlum heilsugæslum í dreifbýli sinna oft fjölbreyttari verkefnum en á stærri stöðum. Jóna Ósk Antonsdóttir, hjúkrunarfræðingur hjá HSN í Reykjahlíð, hefur nýlokið meistaragráðu frá Háskólanum á Akureyri með áherslu á heilsugæslu á landsbyggðinni frá Háskólanum á Akureyri. -
Sparisjóður Þingeyinga veitir HSN styrk að fjárhæð kr 4.000.000,- til tækjakaupa
Á aðalfundi Sparisjóðs Þingeyinga var tilkynnt ákvörðun um að veita Heilbrigðisstofnun Norðurlands (HSN) styrk til tækjakaupa að fjárhæð kr 4.000.000,-. Styrkveitingin er í samræmi við stefnu Sparisjóðsins að styðja við samfélagið á svæðinu. -
VMA - Þrettán í kvöldskóla í húsasmíði
Við upphaf haustannar hóf nýr þrettán nemenda hópur nám í húsasmíði við byggingadeild VMA. Þetta er þriðji hópurinn í kvöldskóla í húsasmíði við skólann, hópur tvö brautskráðist frá skólanum sl. vor. -
Ályktun vegna niðurlagningar heilsueflandi heimsókna hjá HSN
Haustfundur Kvenfélagsins Iðunnar í Eyjafjarðarsveit, haldinn 25. september 2025, sendir eftirfarandi áskorun til framkvæmdastjórnar HSN -
4000 fundir hjá Rótarýklúbbi Akureyrar frá árinu 1938
Félagar í Rótarýklúbbi Akureyrar komu saman í liðinni viku og héldu hátíðlegan fund númer 4000. Klúbburinn var stofnaður árið 1938 og er því 87 ára gamall, en formlegur stofnfundur var haldinn í byrjun september það ár. Rótarýklúbburinn er starfsgreinaklúbbur og leitast er við að í honum sé fólk úr sem flestum starfsgreinum Mikið er lagt upp úr því að heimsækja fyrirtæki og stofnanir til að kynnast fjölbreyttri starfsemi í bæjarfélaginu og víðar. -
„Það er einfaldlega brekka sem ekki sér fyrir endann á“
-segir Aðalstein Á. Baldursson formaður framsýnar um stöðuna á Bakka