Sanngjarn sigur Þórs/KA gegn Fylki
Fyrsta markið lét þó ekki bíða eftir sér lengi. Á 13. mínútu var brotið á Mateju Zver utan teigs vinstra megin. Zver tók spyrnuna sjálf og gott skot hennar var varið í slána af Björk Björnsdóttur í marki Fylkis, en hún náði ekki að halda boltanum sem datt fyrir fætur Rakelar Hönnudóttur sem gat lítið annað en skorað. Staðan 1:0 og forystan verðskulduð.
Fylkisstúlkur hresstust heldur eftir markið og sóttu í sig veðrið og sköpuðu sér ágætisfæri sem þeim tókst ekki að nýta.Manya Makoski fékk svo dauðafæri fyrir Þór/KA á 38. mínútu er hún slapp í gegnum vörn gestanna, en Björk Björnsdóttir í marki Fylkis kom vel út úr markinu og sá við henni.
Þór/KA náði svo öðru marki á besta tíma. Rétt áður en dómarinn flautaði til hálfleiks átti Mateja Zver frábæra sendingu inn á hinu eldfljótu Manyu Makoski sem var kominn ein í gegn og brást ekki bogalistinn að þessu sinni og afgreiddi boltann örugglega framhjá Björk í markinu.
Staðan í hálfleik 2:0.
Fylkir fékk óska byrjun í seinni hálfleik. Anna Björg Björnsdóttir fékk boltann vinstra megin rétt innan vítateigs og skoraði með góðu skoti í bláhornið hægra megin. Staðan 2:1.Eftir um hálftíma leik sýndi Anna Björg flotta takta, er hún hreinlega fíflaði varnarmenn Þórs/KA upp úr skónum og sendi boltann fyrir markið á Rut Þórðar Þórðardóttir, sem fór illa með dauðafæri og skaut hátt fyrir markið.
Fimm mínútum síðar kom hins vegar þriðja mark Þórs/KA í leiknum og það skoraði Arna Sif Ásgrímsdóttir. Eftir hornspyrnu datt boltinn fyrir fætur Örnu í teignum sem lét vaða með tánni á markið og boltinn söng í netinu. Staðan 3:1.
Leikurinn var nokkuð jafn næstu mínútur en Þór/KA ívið sterkari. Anna Björg Björnsdóttir var nálægt því að koma Fylkisstúlkum aftur inn í leikinn þegar korter lifði leiks. Anna tók þá góðan sprett upp kantinn en skot hennar úr þröngu færi fór beint á Berglindi Magnúsdóttur í marki heimamanna.
Fleiri urðu mörkin ekki og lokatölur 3:1, sanngjarn sigur Þórs/KA.
Þegar öll liðin í deildinni hafa spilað þrjá leiki er ÍBV á toppnum með 9 stig og markatöluna 12:0. Hreint mögnuð byrjun á mótinu hjá Eyjastúlkum. Valur hefur sjö stig í öðru sæti, KR og Stjarnan og Þór/KA komu í næstu sætum með sex stig.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
