Sanngirni og sveigjanleiki skipta sköpum á óvissutímum
Baráttan gegn Covid 19 snýst eðlilega fyrst og fremst um heilsuvernd og svo viðbrögð við efnahags- og félagslegum þáttum. Fylgifiskur svona ástands er óvissa og óöryggi. Margir standa frammi fyrir því að missa vinnuna, skerða starfshlutfall eða fara í sóttkví. Við slíkar aðstæður er lykilatriði að samfélagið grípi til skynsamlegra og réttlátra aðgerða, þar sem jöfnuður, sjálfbærni og samfélagsleg ábyrgð eru höfð að leiðarljósi.
Frekari aðgerðir nauðsynlegar
Ríkisstjórnin kynnti um helgina fyrstu efnahagsaðgerðirnar til að bregðast við afleiðingum faraldursins. Áður höfðu tvö frumvörp verið kynnt til að styðja við fólk í skertri vinnu eða sóttkví. Verkalýðshreyfingin gerði verulegar athugasemdir við þau, niðurstaða aðgerðanna varð betri en frumvörpin gáfu til kynna og greinilega var hlustað á sjónarmið verkalýðshreyfingarinnar við undirbúninginn.
Engu að síður er ljóst að meira þarf að koma til svo að forðast megi fjöldauppsagnir með óhjákvæmilegum fjárhagserfiðleikum heimila landsins. Verkalýðshreyfingin mun þrýsta á um slíkar aðgerðir.
Stjórnvöld hlusti á launafólk
Þegar hriktir í stoðum atvinnulífsins með tilheyrandi atvinnumissi er gríðarlega mikilvægt að varðveita formlegt ráðningarsamband vinnuveitenda og launþega í þeim aðgerðum sem ákveðnar verða á næstunni.
Kjarasamningar og þau afkomutryggingarkerfi sem launafólk hefur barist fyrir, eru þær varnir sem verða að halda, svo sem ráðningarsambandið.
Einmitt þess vegna leggur verkalýðshreyfingin áherslu á að stjórnvöld hlusti gaumgæfilega á sjónarmið launafólks og taki tillit til þeirra, hvort sem um er að ræða aðgerðir til lengri eða skemmri tíma.
Markmiðið stjórnvalda verða að miðast við að tryggja grunnstoðirnar heilbrigðis- mennta- og félagsmálakerfisins með velferð allra í huga.
Alþýðusamband Íslands hefur þegar bent á nokkrar nauðsynlegar leiðir til þess að milda afleiðingar faraldursins. Ekki var orðið við nokkrum af mikilvægum ábendingum sem sambandið telur nauðsynlegar og áfram verður þrýst á stjórnvöld um að jöfnuður og sanngirni verði rauði þráðurinn í öllum ákvörðununum.
Sanngirni og sveigjanleiki
Það eru fleiri aðilar en ríkisvaldið sem þurfa að taka stórar ákvarðanir vegna afleiðinga veirunnar svo sem sveitarfélög, fyrirtæki og fjármálastofnanir.
Það er ekki óeðlilegt að stjórnvöld beini með ákveðnum hætti tilmælum til þessara aðila að sýna sanngirni og sveigjanleika varðandi greiðslufrest á meðan mesta óvissan ríkir, svo sem að gefa fólki kost á að dreifa greiðslum og innheimta ekki dráttarvexti.
Að sama skapi gerir verkalýðshreyfingin þær kröfur að ríkisábyrgð verði veitt þeim heimilum sem lenda í greiðsluerfiðleikum, verði ákveðið að veita fyrirtækjum slíka ábyrgð.
Sama gildir þegar gefinn er kostur á að fresta greiðslu opinberra gjalda vegna greiðsluerfiðleika. Standi slíkt fyrirtækjum til boða, hlýtur hið sama að gilda um heimili landsins.
Fasteignagjöld eru stór liður í bókhaldi heimilanna, sveitarfélögin ættu hiklaust að mæta íbúum sínum með því að gefa kost á að fresta greiðslum.
Sanngirni og sveigjanleiki skipta sköpum á slíkum óvissutímum.
Hikið ekki við að hafa samband
Í ljósi þeirra ráðlegginga sem sóttvarnarlæknir hefur gefið vegna útbreiðslu Covid-19 veirunnar, hefur verið ákveðið að skipta starfsfólki Einingar-Iðju í tvo hópa. Þetta á líka við um VIRK ráðgjafana sem eru á skrifstofunni. Á meðan annar hópurinn sinnir störfum sínum á skrifstofunni mun hinn hópurinn starfa heima. Þetta er gert til þess að minnka líkurnar á því að loka þurfi skrifstofunni alveg. Opnunartímar á Akureyri, Dalvík og í Fjallabyggð haldast óbreyttir.
Fjölda erinda er hægt að sinna í gegnum síma og með tölvupósti. Á heimasíðu félagsins eru margvíslegar upplýsingar, með því að nota síma og tölvupóst – þegar unnt er – minnkum við líkur á að veiran breiðist hraðar út en efni standa til.
Starfsfólk Einingar-Iðju leggur sig fram um að veita félagsmönnum sínum góða og faglega þjónustu, hikið ekki við að hafa samband. Samstaðan er okkar sterkasta vopn, eins og alltaf.
Við erum öll almannavarnir.
-Björn Snæbjörnsson, formaður Einingar-Iðju
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir