Samvera
Stefán Gunnarsson heldur um áskorendapennnan að þessu sinni.
Það fylgja því ákveðin forréttindi að skríða á sextugsaldur. Nú hef ég eiginlega formlegt leyfi til að tuða og finnast allt hafa verið betra í gamla daga. Ekki það að ég hef alltaf gert það, en nú má ég þar samkvæmt óskrifuðum reglum samfélagsins. Annað sem fylgir því að eldast er að með auknum þroska verður auðveldara að skipta um skoðun. Ég varði nýliðinni jólahátíð með fjölskyldunni minni í Flórída. Ég skal viðurkenna það að ég hef fram að þessu verið mjög fastheldinn á jólahefðir á mínu heimili og fundið því allt til bölvunar að vera ekki heima hjá mér um jól. Þess er skemmst að geta að í jólamatinn át ég hattinn minn. Hvílík dásemd. Ekkert jólaskraut, engin jólalög. Það þurfti ekkert að elta jólin, ekki í IKEA, ekki í Húsasmiðjuna og alls ekki á Glerártorg. Jólin voru bara með okkur á rölti um matvöruverslun og í grillmatnum, samræðunum og nýja spilinu sem við gáfum okkur í jólagjöf. Hljómar svolítið eins og gömul jólasaga, já það var allt betra í gamla daga.
Mig hefur lengi blöskrað þessi manía sem gengur yfir þjóðina í desember og virðist bara vera hluti af einhverri þjóðarsamþykkt. Það var þess vegna mjög kærkomið að kúpla sig frá jólahaldi, en um leið dálítið skrítið. Ekki það að við höfum svo sem aldrei verið upptekin af þessum æðibunugangi en engu að síður. Það sem stóð uppúr var samvera fjölskyldunnar. Er það ekki það sem jólin eiga að vera? Kannski má leiða líkum að því að ef við héldum oftar svona jól, án allra tilbúinna þarfa, jól þar sem fjölskyldan er saman og þarf ekki að sækja alla jólatónleikana, jólavökur verslana og bókaupplestrana. Héldum bara litlu jól jafnvel nokkrum sinnum á ári þá næðum við betur utan um hvert annað. Ég er nefnilega á sextugsaldri og má finnast við vera að fjalægjast gömul gildi. Ég má hafa þá skoðun að um leið og snjallsímar færa okkur nær þeim sem eru langt frá okkur þá færa þeir okkur fjær þeim sem næst okkur sitja. Ég má vera hikandi við öll þessi samskiptaforrit sem eru meira eins og lítil örleikrit sem við setjum upp fyrir heiminn til að sjá. Það eru kostir þess að vera farinn að eldast.
Mér þykir nefnilega samskiptum hafa farið aftur. Umræðuhefð er á undanhaldi fyrir kappræðum. Sú hefð hefur til dæmis skapast í pólitískri umræðu að ráðast miskunarlaust á mótherja sína án þess að hafa endilega sjónar á málefninu. Ég hef kallað þetta Vinnie Jones umræðuhefð þar sem menn fara beint í manninn ef þeir ná ekki boltanum. Við þurfum einhvern vegina að dæma allt, hafa skoðun á öllu og helst vita betur en aðrir, í það minnsta hafa síðasta orðið. Þar er stundum sagt að það sem við skiljum eftir okkur er minningin um nærveru. Við þurfum þess vegna að huga að því að vera til staðar fyrir samferðafólkið okkar. Það þarf ekkert alltaf að segja svo mikið. Þegar upp er staðið man fólk frekar eftir því hvernig því leið á ákveðnum tíma heldur en hvað var sagt. Verum því til staðar fyrir hvert annað. Höldum jól. Hver veit, kannski erlendis aftur.
Ég skora á Hörð Finnbogason í að skrifa pistil í næsta blað.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir