Samtök atvinnulífsins svara Einingu-Iðju fullum hálsi
Samtök atvinnulífsins sendu síðdegis frá þér tilkynningu, þar sem samtökin svara samninganefnd Einingar Iðju, sem segir að auglýsing SA um launa- og verðlagsþróun sé ósmekkleg og hrokafull.
Samninganefnd Einingar-Iðju sakar Samtök atvinnulífsins í vikunni um skrumskælingu á sannleikanum í auglýsingu þar sem settar eru fram staðreyndir sem byggðar eru á opinberum gögnum um launa- og verðlagsþróun hér á landi og á Norðurlöndunum. Þar er einnig sett fram á myndrænan hátt greining Seðlabanka Íslands á því hver þróunin gæti orðið hér á landi ef árlegar launahækkanir væru minni en hingað til hefur verið raunin. Verðbólga yrði mun minni, hagvöxtur mun meiri, störfum myndi fjölga umtalsvert og kaupmáttur heimila aukast þegar til lengri tíma er litið. Í stuttu máli gæti þróun efnahagsmála hér á landi orðið með svipuðum hætti og á Norðurlöndum undanfarna áratugi, segir í tilkynningu Samtaka atvinnulífsins. Ætlast verði til þess að samninganefnd Einingar-Iðju beri meiri virðingu fyrir staðreyndum en komi fram í yfirlýsingu hennar. Þar sé rangt farið með.
Samninganefndin segir að SA kenni launahækkunum hjá almennu launafólki um verðbólguna og ekki sé tekið mið af launaskriði í framsetningu SA. Þetta er rangt, því í umfjöllun SA er ekki einungis verið að fjalla um hækkanir sem verða í kjarasamningum heldur launamyndun í heild, þ.m.t.launaskrið sem verður til í persónulegum samningum launafólks og vinnuveitenda þeirra. Í engu er verið að varpa ábyrgð á ákveðinn hóp fólks. Margir bera ábyrgð og eru hvorki atvinnurekendur, ríki né sveitarfélög þar undanskilin. Gagnrýnin beinist að því ástandi sem við höfum búið við á Íslandi og bent á leiðir til úrbóta.
Í ályktun samninganefndarinnar segir að SA minnist ekki á hækkanir á vöruverði eða gjaldskrám á opinberri þjónustu. Það er líka rangt því í lok auglýsingar SA er hvatt til þess að ráðist verði í samstillt átak til þess að vinna bug á verðbólgunni og halda aftur af verðhækkunum. Það er forsenda þess að kaupmáttur aukist og lífskjör batni. Samtök atvinnulífsins mótmæltu til að mynda harðlega áformuðum gjaldskrárhækkunum Reykjavíkurborgar sem dregnar voru til baka og ber að þakka Reykjavíkurborg fyrir það frumkvæði sem hún sýndi í þeim efnum. Það er hins vegar einungis fyrsta skrefið á þeirri löngu vegferð að koma á varanlegum verðstöðugleika.
Að lokum segir samninganefnd Einingar-Iðju SA vera í kjarasamningaviðræðum í auglýsingatímum fjölmiðla. Það er af og frá. Í auglýsingu SA eru einfaldlega settar fram staðreyndir og sjónarmið sem mikilvægt er að koma á framfæri við fólk sem getur svo tekið afstöðu til þeirra og svarað í kjölfarið hvaða leið það vill fara, segir í tilkynningu frá Samtökum atvinnulífsins.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
