Samið við Trésmiðju Ásgríms Magnússonar um lóð við Norðurgötu 3 til 7
Ein af þeim hugmyndum sem kynntar eru í greinargerð frá Trésmiðju Ásgríms Magnússonar
Samþykkt hefur verið að ganga til samninga við Trésmiðju Ásgríms Magnússonar ehf um uppbyggingu á lóðinni númer 3 til 7 við Norðurgötu. Þrjár tillögur bárust, allar frá Trésmiðju Ásgríms sem er lóðarhafi á umræddri lóð.
Allar hugmyndirnar byggjast á því að viðhalda og bæta í þéttleika byggðarinnar og að hæð nýrra bygginga verði sambærileg núverandi byggð, en ein þeirra hugmynda sem varpað var fram gengur lengst hvað hæð varðar. Reiknað er með að umsóknarferlið taki allt að 6 mánuði og byrjað verði á framkvæmdum strax að því loknu. Reiknað er með að hús ásamt lóð verði fullbúið 18 mánuðum seinna.
Mikil fjölbreytni í húsagerð á Oddeyri
Fram kemur í greinargerð frá umsækjanda að hönnuðir leggi fram hugmyndir um að á svæðinu eigi að byggja sem flestar íbúðir því öllum sé ljóst að Oddeyri þurfi á íbúðarfjölgun að halda. „Við teljum að hugmyndir okkar séu í takt við rammaskipulag Oddeyrar og húsakönnun sem gerð var fyrir Oddeyrina,“ segir í greinargerðinni.
Bent er á að mörg há hús hafi verið byggð á Oddeyri, Snorrahús sem stóð á lóðinni sem nú er Strandgata 1 sé eitt þeirra. Víða megi finna hús á tveimur til þremur hæðum og allt upp í fjórar.
„Fjölbreytnin í húsagerðum er óvíða eins mikil og á Oddeyrinni og því flókið að hanna hús sem eiga að falla inn í íbúðabyggðina. Við teljum mun áhugaverðara að hanna nútíma byggingu sem hefur einnig blöndu af eldra umhverfi húsanna í kring,“ segir í greinargerð umsækjenda.
Nýjast
-
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku.
Athugasemdir