Samherji veitir 13 starfsmönnum sínum hvatningarverðlaun
Það er stefna Samherja að stuðla að bættri heilsu og vellíðan starfsmanna sinna. Einn liður í því er að greiða niður kostnað við líkamsrækt og ýmsa íþróttaiðkun starfsmanna. Á liðnu ári nýttu rúmlega hundrað starfsmenn sér sérstakan íþróttastyrk Samherja og hefur þeim sem nýta sér styrkinn farið stöðugt fjölgandi frá því byrjað var á slíkum styrkveitingum fyrir sjö árum. Samstarf Samherja og fyrirtækisins Heilsuverndar er hluti af heilsustefnu fyrirtækisins. Fylgst er með heilsufari starfsfólks með reglulegum mælingum auk þess sem Heilsuvernd gefur út pistla um bætta heilsu og er þeim dreift á starfstöðvum Samherja. Heilsuátak á skipum Samherja er annar angi þess að stuðla að bættri heilsu starfsmanna. Átakið felst m.a. í því að breyta mataræðinu um borð og stuðla að aukinni hreyfingu, bæði um borð og í frítíma sjómanna. Það verkefni hefur verið í gangi hjá Samherja í fjögur ár. Markmiðið með heilsuátakinu er að auka almennt heilbrigði og fækka álagstengdum slysum. Nú þegar hefur náðst sýnilegur árangur sem mikil ánægja er með. Stefnan er að gera enn betur í ár á öllum sviðum. Óskastaðan er sú að meirihluti starfsmanna nýti sér íþróttastyrkinn sem í boði er og fari í kjölfarið að stunda reglulega hreyfingu, segir í fréttatilkynningu.
Eftirtaldir starfsmenn hljóta hvatningarverðlaun Samherja árið 2011: !
Nafn starfsmanns og vinnustaður
Sylvía Ægisdóttir Reykfiskur
Árni Halldórsson Landvinnsla, Dalvík
Sigurbjörn Hjörleifsson Landvinnsla, Dalvík
Hólmfríður Sigurðardóttir Landvinnsla, Dalvík
Adrian Wilicki Hausaþurrkun
Hörður Héðinsson Oddeyrin EA-210
Hannes Skírnisson Snæfell EA-310
Jón Emil Gylfason Björgvin EA-311
Guðmundur I Guðmundsson Björgúlfur EA-312
Jóhannes Páll Jónsson Vilhelm Þorsteinsson EA-11
Heimir Tómasson Skipaþjónusta, Akureyri
Kristín Mjöll Benediktsdóttir Skrifstofa, Akureyri
Olga Gísladóttir Fiskeldi
Nýjast
-
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00