Sálumessa Duruflé einstök tónsmíð
Norðlensku kórarnir Hymnodia og Kammerkór Norðurlands leiða saman hesta sína á tónleikum í Akureyrarkirkju í dag, sunnudaginn 7. nóvember kl. 16. Aðalverkið á tónleikunum er Requiem eða sálumessa eftir franska tónskáldið Maurice Duruflé. Guðmundur Óli Gunnarsson stjórnar, Eyþór Ingi Jónsson leikur á orgel, Hildigunnur Einarsdóttir messósópran syngur einsöng og Steinunn Arnbjörg Stefánsdóttir leikur á selló.
Að sögn Péturs Halldórssonar, eins kórfélaga í Hymnodiu, er Sálumessa Duruflés einstök tónsmíð fyrir margra hluta sakir. „Það er eiginlega hvorki hægt að segja að þetta sé sígilt verk né nútímalegt. Það sækir vissulega í fornan kirkjusöng en býr yfir djörfum nútímalegum þráðum. Kveikjan að verkinu er líka mjög áhugaverð. Vichy-stjórnin sem ríkti í Frakklandi meðan þýskir nasistar höfðu þar töglin og hagldirnar pantaði verk frá frönskum tónskáldum og átti Duruflé að semja sinfónískt verk. Duruflé ákvað að framlag hans skyldi verða sálumessa. Fasistarnir fengu þó aldrei verkið sem þeir pöntuðu því smíði þess var ólokið þegar Vichy-stjórnin féll 1944. Duruflé fléttar gregorsk söngstef inn í sálumessuna sem gefur henni yfirbragð eilífðarinnar, festunnar og stöðugleikans, sem er andstæða endanleika, sundrungar og upplausnar stríðsins. Við heyrum stórkostlegar andstæður veikra og sterkra kafla í verkinu og förum í lokin til himna. Í miðju stríðsógnarinnar með ofsóknum og dauða er þetta tónverk eins og fræ sem spírar. Upp úr óhreinni moldinni sprettur eilífðarblóm sem minnir okkur á að dauðinn er ekki endanlegur heldur hluti af lífinu, hluti tímans rásar. Lífið sigrar dauðann. Hið góða sigrar hið illa. Enda byrjar tónverkið hvorki né endar. Sjöundarhljómar í byrjun og lok verksins vísa til þess sem áður er nefnt, að eitt tekur við af öðru, nýtt líf kviknar af lífi sem slokknar, hjálpin er nærri og vonin lifir. Eftir lokahljóminn er eins og eitthvað eigi að halda áfram – sem það gerir. Lífið heldur áfram,“ segir Pétur.
Hildigunnur Einarsdóttir flytur einnig tvö einsöngsverk eftir Jón Leifs á tónleikunum og sömuleiðis flytja kórarnir líka þrjú mögnuð kórverk án undirleiks, Requiem eftir Jón Leifs, O Magnum Mysterium eftir bandaríska tónskáldið Morten Lauridsen og O Sacrum Convivium eftir Frakkann Olivier Messiaen. Tilefni efnisskrárinnar er allra heilagra messa sem var 1. nóvember. „Þetta verður þó engin hrekkjavaka heldur tónlistarupplifun sem tónlistaráhugafólk ætti ekki að missa af,“ segir Pétur Halldórsson.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir