SAK og HSN í viðbragðsstöðu vegna kórónuveirunnar
Heilbrigðisstarfsfólk á Akureyri er í startholunum vegna kórónuveirunnar.
Sjúkrahúsið á Akureyri (SAk) hefur í samráði við sóttvarnarlækni tekið þátt í undirbúningi um viðbrögð við kórónaveirunni, Covid 19, sem nú dreifir sér hratt um gervallan heim og er vinnu sjúkrahússins hagað samkvæmt viðbragðsáætlunum sóttvarnalæknis og almannavarnadeildar ríkislögreglustjóra. Sýkingavarnarnefndin leiðir þá vinnu.
Sigurður E. Sigurðsson, framkvæmdastjóri lækninga við SAk, segir að stjórnendur sjúkrahússins fundi vikulega með sóttvarnarlækni ríkisins. Þá séu Sjúkrahúsið á Akureyri og Heilbrigðisstofnun Norðurlands eystra (HSN) í góðu samstarfi er varðar viðbragðsætlun og hafa stjórnendur SAk fundað vikulega með yfirmönnum HSN ásamt sóttvarnarlækni Norðurlands.
„Við höfum farið rækilega yfir birgðasafn á lyfjum hér sjúkrahúsinu til að vera undirbúin. Þá er sérstakur sýkingarhjúkrunarfræðingur á sjúkrahúsinu að ganga á milli deilda og fræða starfsmenn og halda þeim upplýstum. Við fylgjumst náið með og erum í viðbragðsstöðu,“ segir Sigurður.
Sigurður vill ítreka það ef einstaklingar finna fyrir veikindum að hringja í síma 1700 varðandi nánari upplýsingar og hvernig þeir eigi að nálgast heilbrigðiskerfið í stað þess að mæta á svæðið. Þannig er hægt að koma í veg fyrir smithættu. Alls hafa 16 einstaklingar á Íslandi greinst með Covid-19 veiruna.
Nýjast
-
Þrjár umsóknir um stöðu skólameistara í VMA og tvær um Framhaldsskólann á Húsavík
Þrjár umsóknir bárust um stöðu skólameistara Verkmenntaskólans á Akureyri og tvær um stöðu skólameistara Framhaldsskólans á Húsavík. -
Danssýning Steps Dancecenter sló í gegn – kraftur lista og hreyfingar á Akureyri
Listdansskólinn Steps Dancecenter hélt glæstan dansviðburð á Akureyri síðast liðinn sunnudag í Hofi þar sem fleiri hundruð gesta nutu þess að sjá nemendur skólans stíga á svið með kraft, sjálfstraust og dansgleði. -
Senn líður að því að Hlíðarfjall verði opnað á ný!
Nú er allur snjór að hverfa úr fjallinu enda tíðin með eindæmum góð. Svæðið virðist koma vel undan vetri og getur undirbúningsvinna fyrir sumaropnun hafist mjög fljótlega. -
HSN tilnefnd til þriggja Nýsköpunarverðlauna hins opinbera 2025
Nýsköpun gegnir stóru hlutverki í starfsemi Heilbrigðisstofnunar Norðurlands (HSN) þar sem markvisst er unnið að því að bæta þjónustu, hagræða ferlum og skapa jákvætt og árangursríkt vinnuumhverfi. Það er því ánægjulegt að þrjú verkefni stofnunarinnar hafi verið tilnefnd til Nýsköpunarverðlauna hins opinbera 2025. -
Norðurþing og Carbfix undirrita viljayfirlýsingu
Sveitarfélagið Norðurþing og Carbfix hf. hafa undirritað viljayfirlýsingu um samstarf varðandi uppbyggingu og rekstur athafnasvæðis til móttöku, niðurdælingar og bindingar CO2. -
Akureyri - Fyrsta skólfustungan að nýjum leikskóla
Heimir Örn Árnason, formaður fræðslu- og lýðheilsuráðs, tók í dag fyrstu skóflustunguna að nýjum leikskóla sem rísa mun við Naustagötu í Hagahverfi á Akureyri. Leikskólinn hefur hlotið heitið Hagasteinn. -
Krabbameinsfélag Akureyrar og nágrenni og Ferðafélag Akureyrar Leið til að njóta náttúru og samveru
Krabbameinsfélag Akureyrar og nágrennis í samstarfi við Ferðafélag Akureyrar ætlar að bjóða upp á tvær göngur í maí og júní. Göngurnar eru fyrir einstaklinga sem greinst hafa með krabbamein og aðstandendur. -
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024.