Safna gjöfum fyrir fólk með geðraskanir
Góðgerðafélagið Gefðu gjöf sem yljar safnaði yfir 250 jólagjöfum í fyrra sem gefnar voru til fólks með geðraskanir sem dvaldi á geðdeildum eða sambýlum fyrir geðfatlaða yfir jólahátíðina. Stefnt er að því að safna allt að 400 gjöfum fyrir þessi jól. Dæmi eru um að fólk á geðdeild hafi enga gjöf fengið í fyrra nema í gegn um þetta verkefni. Það getur enginn gert allt en það geta allir gert eitthvað. Hver einasta gjöf skiptir miklu máli, segir Erla Kristinsdóttir, formaður félagsins.
Það nýmæli verður í ár að starfsfólk geðdeilda og sambýla koma til með að aðstoða við að velja gjafir handa skjólstæðingum sínum þannig að sem mestar líkur séu á að gjöfn rati á réttan stað. Söfnunin fer fram um allt land en tekið er sérstaklega fram að gjafir sem safnast á Akureyri og nágrenni fara til þeirra sem dveljast á geðdeild FSA yfir jólin.
Hugmyndina að verkefninu fékk Erla Kristinsdóttir fyrir tveimur árum eftir að hafa lesið pistil eftir nöfnu sína Erlu Hlynsdóttur blaðamann þar sem hún lýsti því þegar hún var á vakt á Kleppi á aðfangadagskvöld og vegna niðurskurðar hafði spítalinn hætt að gefa sjúklingum jólagjafir. Það stefndi í að sumir sjúklinganna fengju því engar jólagjafir ogþví ákváðu starfsmennirnir að slá saman í litlar gjafir handa þeim.
Ég tengdi sterkt við þessa frásögn því systir mín var á Kleppi á sínum tíma og í framhaldinu strengdi ég áramótaheit í fyrsta skipti og ákvað að tryggja að allir sem dveldu á geðdeild komandi jól fengju jólagjöf, segir Erla Kristinsdóttir.
Verkefnið gekk svo vel að formlegt félag var stofnað fyrr á þessu ári og söfnun gjafa fer nú fram í annað skipti. Karlmenn eru í meirihluta þeirra sem dvelja á geðdeildum yfir jól, eða allt að 70%, og því er lögð sérstök áhersla á að safna gjöfum sem henta karmönnum en þeir sem fá gjafirnar eru allt frá tvítugu og upp í 75 ára.
Á Facebook-síðu félagsins; https://www.facebook.com/gjofsemyljar er að finna allar upplýsingar um þá aðila sem taka á móti gjöfum um land allt og símanúmer þeirra.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
