Róbert Hlynur Baldursson í Brussel: „Ástandið er hrikalegt!“
Húsvíkingurinn Róbert Hlynur Baldursson til hægri, í vinnunni að afhenda grískum kennara viðurkenningu fyrir góð störf.
„NO ONE GO TO MAELBEEK TODAY. I am safe!“ Skrifaði Húsvíkingurinn Róbert Hlynur Baldursson á facebook síðu sína í morgun, en Róbert býr og starfar í Brussel sem „Communications Officer/Web Editor“ eins og starfsheitið er á ensku, hjá European Schoolnet.
Höfuðstöðvar Evrópusambandsins og stofnana þess eru aðeins steinsnar frá Maelbeek neðanjarðarlestarstöðinni þar sem sprengja sprakk í morgun með hörmulegum afleiðingum eins og allir vita. Dagskrain.is náði stuttlega sambandi við Róbert Hlyn um klukkan 10 í morgun og spurði hann um ástandið í borginni.
„Það er hrikalegt ástand hér - ég sá þetta gerast þar sem þetta var 200 metra frá skrifstofunni. Við erum bara að fylgjast með fréttum og stöðugt kemur betur í ljós hversu alvarlegt þetta er.“ Sagði Róbert. En samgöngur í Brussel liggja að mestu niðri og fólki þar ráðlagt að halda sig innan dyra, bæði heima hjá sér og í vinnunni.
Og hryðjuverkin í Belgíu höfðu víða áhrif, m.a. á ferðir fólks í Evrópu. Þær mæðgur, Kristjana Helgadóttir frá Grafarbakka á Húsavík og Kristjana dóttir hennar voru staddar í Barcelona og þar skrifaði Didda á facebook í morgun: „Við mæðgur vorum rétt að stíga um borð í vél til Brussel þegar fréttir bárust af voðaverkunum þar. Erum því strandaglópar á flugvellinum í Barcelona og vitum ekkert hvernig fer með tengiflug til Íslands. Þökkum bara fyrir að hafa ekki verið lentar á flugvellinum í Brussel.“
Skömmu síðar var búið að redda þeim mæðgum flugi heim í gegnum London seinni partinn í dag. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.