Rétt handtök skipta sköpum
Frá skyndihjálparnámskeiði á Akureyri.
Það koma reglulega upp tilfelli þar sem fólk vísar til þess að það hafi hjálpað því í ákveðnum aðstæðum að hafa farið á skyndihjálparnámskeið, segir Hafsteinn Jakobsson framkvæmdastjóri Rauða krossins á Akureyri. Hafsteinn segir Rauða krossinn standa fyrir skyndihjálparnámskeiðum reglulega, ýmist fyrir fyrirtæki, hópa eða almenning. Hann segir námskeiðin fyrir almenning mættu vera betur sótt. Í viðtali í Vikudegi fyrir skömmu sagði móðir lítillar stúlku sem veiktist lífshættulega af E.Coli bakteríu frá því hvernig faðir stúlkunnar hafi bjargað lífi hennar með því að blása í hana á meðan beðið var eftir sjúkrabíl.
Hann hafði farið á skyndihjálparnámskeið og segir móðir stúlkunnar að það hafi sennilega orðið litlu stúlkunni til lífs. Þá brást starfsfólks Sundlaugar Akureyrar hárrétt við þegar eldri maðurinn fannst á botni sundlaugarinnar nýlega en skyndihjálparkunnátta gerði það að verkum að starfsfólk gat hafið endurlífgun á staðnum.
Æskilegast væri að sem flestir kynnu skyndihjálp því það geta allir lent í aðstöðu sem krefst kunnáttu í skyndihjálp. Þá geta rétt handtök skipt sköpum og bjargað mannslífi, segir Hafsteinn.
Meiri kröfur á barnapíur
Sífellt færist í vöxt að foreldrar geri þær kröfur að barnapíur hafi lokið sérstöku skyndihjálparnámskeiði hjá Rauða krossinum. Félagið býður upp sérstakt námskeið fyrir 12 ára og eldri sem nefnist Börn og umhverfi, þar sem m.a. er fjallað um þroska barna, samskipti og leiki og leikföng.
Eflaust er fólk meðvitaðra um hættur og öryggi og gerir þar af leiðandi meiri kröfur á fagaðila sem gæta barna þeirra, segir Hafsteinn. Í mínum huga er hins vegar ábyrgðin fyrst og fremst foreldranna þegar þeir frá barn til þess að passa barn. Við getum varla gert sömu kröfur til þeirra og fullorðinna einstaklinga.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.