Rekstrarkostnaður Tónlistar - skólans tæpar 175 milljónir
Launakostnaður er áætlaður 169,5 milljónir króna og lækkar um rúmar 5 milljónir. Vörukaup eru áætluð um 1,6 milljónir króna og lækka lítilega frá fyrra ári. Þjónustukaup hækka hins vegar á milli ára um rúmar 6,8 milljónir króna og verða rúmar 45 milljónir. Þessi hækkun skýrist af hærri húsaleigu sem kemur til af nýju húsnæði í Hofi. Í Tónlistarskólanum eru starfsmenn 42. Þeir sitja í 32,6 stöðugildum sem skiptast þannig að stjórnendur eru í 2,8 stöðugildum, kennarar í 27,2 og aðrir starfsmenn í 2,6. Þetta er mjög sambærilegur stöðugildafjöldi og verið hefur í skólanum undanfarin ár.
Gert hefur verið ráð fyrir því að gjaldskrá skólans breytist til samræmis við þróun verðlags og um áramótin var hún hækkuð um 8%. Samkvæmt lögum um fjárhagslegan stuðning við tónlistarskóla, eiga sveitarfélög að greiða launakostnað kennara og skólastjóra. Tekjur af skólagjöldum geta því staðið undir öðrum kostnaði. Þegar tekjur skólans eru skoðaðar í þessu ljósi sést að þær standa undir 57% af öðrum rekstrarkostnaði skólans. Það þykir ekki raunhæft að skólagjöld standi undir öllum öðrum kostnaði þar sem húsaleiga er orðinn svo stór þáttur í kostnaðinum. Reiknað er með því að kostnaður pr. nemanda fyrir Akureyrarbæ, verði að meðaltali kr. 390.000 á ári en foreldrar/nemendur greiða frá kr. 70.000-90.000 á ári fyrir fullt nám á grunn- og miðstigi þar sem flestir nemendur stunda nám.
Reiknað er með sambærilegri starfsemi í skólanum á þessu fjárhagsári og verið hefur. Fjöldi nemenda hefur verið um 450 að meðaltali s.l. ár en á þessu ári er reiknað með að nemendur geti orðið um 500. Starfið er í mikilli þróun og hafa kennarar og nemendur verið mun meira áberandi í bæjarlífinu s.l. tvö ár. Þetta hefur verið gert með tónleikahaldi í samvinnu við fyrirtæki og stofnanir. Á árinu mun skólinn flytja í nýtt og sérhannað rými í menningarhúsinu Hofi. Verður að reikna með því að ný aðstaða efli starf skólans. Skólinn hefur verið að bjóða upp á ný námstilboð og verður forvitnilegt að fylgjast með þeirri þróun. Þetta kemur fram í Skóla-akri, vefriti skóladeildar.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.