Réðst á strætóbílstjóra
Rúmlega tvítugur karlmaður var nýlega dæmdur í eins mánaðar fangelsi fyrir að ráðast á strætóbílstjóra á Akureyri en dómurinn var kveðinn upp í Héraðsdómi Norðurlands eystra. Atvikið átti sér stað fyrir utan Menningarhúsið Hof í desember sl. Samkvæmt lögregluskýrslu og öðrum gögnum var atburðarás málsins í meginatriðum sú að brotaþoli hafði verið í áætlunarferð á leiðinni Siglufjörður- Dalvík, en með endastöð við Menningarhúsið Hof á Akureyri.
Á meðal farþega var ákærði og var ætlan ákærða að fá að fara úr strætisvagninum nærri núverandi heimili sínu við Hlíðarbæ í Hörgársveit, skammt norðan Akureyrar. Bar ákærði því fram þá ósk að strætóbílstjórinn stöðvaði bifreiðina til að hleypa honum út. Þegar bílstjórinn hafnaði beiðninni og vísaði til starfsreglna hafi ákærði orðið geðveikt pirraður með þeim afleiðingum að til átaka kom.
Ákærði er dæmdur fyrir líkamsárás en fram kemur í dómi að hann hafi slegið bílstjórann í andlitið með þeim afleiðingum að hann hlaut glóðarauga á hægra auga og hrufl á nefhrygg og bólgu, heilahristing og svima og sortnaði fyrir augum. Ákærði í málinu hefur áður komist í kast við lögin m.a. vegna alvarlegra líkamsárása og fíkniefnaaksturs. Auk fangelsisvistar þarf ákærði að greiða sakarkostnað upp á 217.460 krónur.
-þev
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.