Rafrænir nýnemadagar í Háskólanum
Reynslan sýnir að þátttaka á nýnemadögum auðveldar stúdentum að hefja nám. Það sé því mikilvægt að nýnemar mæti rafrænt og taki þátt í dagskránni.
Nýnemadagar Háskólans á Akureyri verða í ljósi aðstæðna, algerlega rafrænir í ár. Þetta felur í sér að nýnemar mæta ekki á staðinn heldur í rafræna móttöku og fundi í gegnum Zoom á auglýstum tíma.
Skólastarf á haustmisseri er skipulagt með þeim hætti að samkomutakmarkanir muni hafa sem minnst áhrif á námið. Einu breytingarnar sem stúdentar gætu átt von á er fyrirkomulag námslota sem í einhverjum tilvikum gætu færst yfir í rafræn form. Þetta kemur fram á vef Háskólans á Akureyri
„Það sveigjanlega námsfyrirkomulag sem Háskólinn á Akureyri hefur byggt upp og þróað í hartnær 20 ár gerir það að verkum að hægt er að halda úti allri kennslu og starfsemi, þrátt fyrir þær takmarkanir sem eru í gildi hverju sinni,” segir Eyjólfur Guðmundsson, rektor Háskólans á Akureyri.
Fram kemur einnig að reynslan sýni að þátttaka á nýnemadögum auðveldar stúdentum að hefja nám. Það sé því mikilvægt að nýnemar mæti rafrænt og taki þátt í dagskránni þar sem þeim gefst tækifæri á að kynnast starfsfólki, þjónustu háskólans í upphafi náms, t.a.m. tölvukerfi, bókasafni, námsráðgjöf, alþjóðasamstarfi, húsnæði o.fl.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.