Ráðinn framkvæmdastjóri ÍV sjóða
Hreinn Þór Hauksson.
Hreinn Þór Hauksson hefur verið ráðinn framkvæmdastjóri ÍV sjóða hf. en hann tekur við starfinu af Jóhanni Steinari Jóhannssyni. Þetta kemur fram í tilkynnningu en þar segir að Hreinn Þór hafi yfirgripsmikla reynslu af innlendum fjármálamarkaði. Frá upphafi árs 2017 hefur hann starfað við sérhæfðar fjárfestingar hjá Íslenskum verðbréfum en þar áður starfaði hann til rúmlega tveggja ára innan ÍV sjóða sem sjóðstjóri fagfjárfestasjóða. Hann er félaginu því vel kunnugur.
Hreinn Þór hefur starfað við atvinnuþróun hjá Akureyrarbæ 2012-2014, en lengst af frá árinu 2005 starfaði hann sem sérfræðingur í markaðsviðskiptum hjá Íslandsbanka/Glitni banka. Hreinn Þór er með M.Sc. gráðu í viðskiptafræði frá Lunds Universitet og B.Sc. gráðu í viðskiptafræði frá Háskólanum í Reykjavík. Hann hefur jafnframt lokið prófi í verðbréfaviðskiptum.
„Það er mikill fengur fyrir ÍV sjóði að fá Hrein Þór til baka til félagsins til að halda áfram því góða og öfluga starfi sem þar hefur verið unnið undanfarin ár,“ segir Kolbeinn Friðriksson, formaður stjórnar ÍV sjóða. „Félagið er nú sem endranær vel í stakk búið til að bregðast við örri þróun á mörkuðum og nýta tækifæri sem gefast. Stjórn félagsins vill þakka Jóhanni Steinari fyrir vel unnin störf og koma á framfæri óskum um velfarnað í nýju starfi.“
ÍV sjóðir hf. var stofnað árið 2001 og er dótturfélag Íslenskra verðbréfa hf. með höfuðstöðvar á Akureyri. Félagið er í dag með stærri rekstrarfélögum verðbréfa- og fjárfestingasjóða á Íslandi, með um 35 milljarða króna í stýringu. Félagið rekur 13 verðbréfa- og fjárfestingasjóði auk eins fagfjárfestasjóðs. Sjóðaframboð ÍV sjóða nær til allra helstu tegunda fjármálagerninga sem almennum fjárfestum standa til boða. Hlutverk ÍV sjóða er að ávaxta fjármuni sjóðfélaga með sem bestum hætti með tilliti til áhættu.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.