Ráðinn forseti heilbrigðisvísindasviðs við HA
Eydís Kristín Sveinbjarnardóttir.
Dr. Eydís Kristín Sveinbjarnardóttir hefur verið ráðinn sem forseti heilbrigðisvísindasviðs við Háskólann á Akureyri. Eydís Kristín verður í hlutastarfi í janúar og febrúar en tekur formlega við af dr. Árúnu K. Sigurðardóttir 1. mars n.k. Fram að þeim tíma sinnir Árún störfum forseta Heilbrigðisvísindasviðs en að því loknu mun dr. Árún gegna stöðu prófessors við heilbrigðisvísindasvið.
Eydís Kristín lauk BS prófi í hjúkrunarfræði frá HÍ árið 1987 og prófi í kennslu – og uppeldisfræði til kennsluréttinda frá HÍ árið 1988. Hún lauk klínísku meistaraprófi í geðhjúkrun frá Háskólanum í Pittsburgh 1990 og námi í fjölskyldumeðferð frá Kaþólska háskólanum í Leuven Belgíu árið 1996. Jafnframt því lauk hún viðbótarnámi í stjórnun og rekstri í heilbrigðisþjónustu frá Endurmenntun HÍ ári 2001. Eydís Kristín lauk doktorsprófi frá Hjúkrunarfræðideild HÍ 2012 þar sem hún rannsakaði fjölskyldustuðning á bráðageðdeildum á geðsviði Landspítala.
Eydís Kristín hefur verið í stjórnunarstörfum á Landspítala- háskólasjúkrahúsi sl. 18 ár. Hún hefur mikla reynslu af því að taka þátt í og leiða hvers konar stefnumótunarvinnu.
Samhliða vinnu við stjórnun og rekstur hefur Eydís Kristín ávallt stundað háskólakennslu og vísindastörf. Hún hefur skrifað margar ritrýndar greinar í alþjóðleg tímarit og haldið fjölda erinda á vísindaráðstefnum. Fyrir tveimur árum tók Eydís Kristín þátt í ráðgjafarverkefni í Dushanbe í Tajikistan á vegum „Swiss Tropical and Public Health Institute” í samstarfi við háskólann í Basel í Sviss. Eydís Kristín er formaður stjórnar Vísindasjóðs Félags íslenskra hjúkrunarfræðinga og er meðstjórnandi í stjórn Geðverndarfélags Íslands.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.