Ráðherra ítrekar mikilvægi norðurslóðastofnana og þekkingarsamfélagsins á Akureyri
Myndir Hilmar Friðjonsson
Nýr samstarfssamningur Norðurslóðanetsins og utanríkisráðuneytisins eflir enn frekar Norðurslóðamiðstöð Íslands.
Á dögunum heimsótti Þorgerður Katrín Gunnarsdóttir utanríkisráðherra Borgir þar sem endurnýjaður samstarfssamningur Norðurslóðanetsins og utanríkisráðuneytisins var undirritaður við hátíðlega athöfn.
Samninginn undirrituðu Þorgerður Katrín Gunnarsdóttir utanríkisráðherra og Embla Eir Oddsdóttir, forstöðumaður Norðurslóðanetsins. Elín Díanna Gunnarsdóttir, aðstoðarrektor Háskólans á Akureyri, og Hlynur Guðjónsson, deildarstjóri norðurslóðadeildar í utanríkisráðuneytinu og aðalfulltrúi Íslands í embættismannanefnd Norðurskautsráðsins, voru jafnframt viðstödd.
Við undirritun
Eflir Norðurslóðamiðstöð Íslands á Akureyri
Stofnun Vilhjálms Stefánssonar og Háskólinn á Akureyri hafa átt í nánu samstarfi við Norðurslóðanetið um árabil. Endurnýjaður samstarfssamningur Norðurslóðanetsins við utanríkisráðuneytið eflir norðurslóðamiðstöðina á háskólasvæði Háskólans enn frekar. Eitt af fjórum megin áherslusviðum nýja samstarfssamningsins snýr að áframhaldandi þróun þeirrar miðstöðvar norðurslóðamála á Íslandi sem myndast hefur á Akureyri, í samstarfi við áhugasama aðila af landinu öllu, samkvæmt norðurslóðastefnu Íslands.
Í tilefni undirritunarinnar bauð Norðurslóðanetið til móttöku fyrir hagaðila og samstarfsaðila á sviði norðurslóðamála í anddyrinu á Borgum. Utanríkisráðherra ávarpaði gesti og ítrekaði í erindi sínu mikilvægi Norðurslóðanetsins, sem og öflugs samstarfs og þekkingaruppbyggingar í málefnum norðurslóða, sem nú eru í brennidepli á alþjóðavettvangi. Ráðherra lagði áherslu á mikilvægi norðurslóðastofnana og þekkingarsamfélagsins á Akureyri og hvernig bærinn hefur fest sig í sessi sem miðstöð innlendrar og alþjóðlegrar þekkingar um málefni norðurslóða á Íslandi.
Þá færði utanríkisráðherra Háskólanum á Akureyri, CAFF, PAME, Stofnun Stefáns Vilhjálmssonar, International Arctic Science Committee (IASC), Akureyrarbæ, Norðurslóðanetinu og öðrum samstarfsaðilum á Akureyri þakkir fyrir forystu í norðurslóðamálum jafnt innanlands sem utan og gott samstarf við utanríkisráðuneytið.
Frétt utanríkisráðuneytisins má finna hér. Stjórnarráðið | Utanríkisráðuneytið endurnýjar samstarfssamning við Norðurslóðanet Íslands
Nýjast
-
Ráðherra ítrekar mikilvægi norðurslóðastofnana og þekkingarsamfélagsins á Akureyri
Nýr samstarfssamningur Norðurslóðanetsins og utanríkisráðuneytisins eflir enn frekar Norðurslóðamiðstöð Íslands -
Landsbyggðin skapar verðmætin – nú þarf arðurinn að skila sér heim
39. þing Alþýðusambands Norðurlands skorar á stjórnvöld að standa vörð um landsbyggðina, sem er ein af hornsteinum íslensks efnahagslífs. -
Læsið eflt skref fyrir skref
Kennarar í Borgarhólsskóla hlutu viðurkenningu sem framúrskarandi Byrjendalæsiskennarar -
Lokaorðið - Val mitt við lífslok
Um daginn barst mér í hendur bæklingur með þessu heiti. Bæklingur þessi er gefinn út af Ellimálanefnd þjóðkirkjunnar, Kærleiksþjónustusviði Biskupsstofu í Reykjavík árið 2023. Þetta er fróðlegur bæklingur og megin tilgangur hans er ,,að styðja fólk við að ákveða hvernig það óskar að hafa útför sína og annað sem tengist lífslokum þess” eins og segir á fyrstu síðu. -
Þrjú rannsóknarverkefni hljóta styrki úr Vísindasjóði SAk
Þrjú rannsóknarverkefni á sviði heilbrigðisþjónustu hafa hlotið styrk úr Vísindasjóði Sjúkrahússins á Akureyri. Verkefnin fjalla um viðhaldsþjálfun fólks með hjarta- og lungnasjúkdóma, hjúkrun krabbameinssjúklinga á bráðamóttökum og hermikennslu hjúkrunarnema í endurlífgun. -
Ásýnd hjá Skútabergi á Moldhaugnahálsi enn óviðunandi
Ásýnd svæðis Skútabergs á Moldhaugnahálsi er enn óviðunandi að mati Heilbrigðiseftirlits Norðurlands eystra. -
Leikfélag Hörgdæla setur upp Hárið Hlökkum til að takast á við verkefnið
Leikfélag Hörgdæla ræðst í það stórvirki að setja upp söngleikinn Hárið á komandi leikári. Áætluð frumsýning er 18. febrúar 2027 og sýnt verður á Melum í Hörgársveit. Pétur Guðjónsson verður leikstjóri sýningarinnar en hann hefur áður unnið með félaginu þegar hann setti upp leikritið Í fylgd með fullorðnum árið 2022. Það naut mikilla vinsælda. Fyrirhugað er að hafa opnar prufur í byrjun október og hvetur félagið áhugasama að fylgjast með á facebooksíðu félagsins þegar nær dregur. -
Meira en bara matur á disk
Alls eru um 650 til 680 skammtar eldaðir á hverjum degi í skólamötuneyti Húsavíkur -
Mikilvægt að tryggja stöðugleika og verja kaupmátt heimila
Akureyrarbær hefur þegar gripið til ýmissa aðgerða, meðal annars með áherslu á hóflegar gjaldskrár og frestun innheimtu gatnagerðargjalda segir í bókun bæjarráðs en þrjú félög, VR, LÍV og RSÍ sendu Akureyrarbæ og fleiri sveitarfélögum í landinu erindi vegna gjaldskrárhækkana í tengslum við kjarasamninga. Einnig var óskað eftir upplýsingum um hvað þau væru tilbúinn að leggja af mörkum til að ná verðbólgu og vöxtum niður.
