SAk hlýtur bronsdekkið fyrir orkuskipti í bílaflotanum
Fulltrúar rekstrardeildar með viðurkenninguna Mynd á vef Sak
Sjúkrahúsið á Akureyri hefur hlotið bronsdekkið, viðurkenningu fyrir árangur í orkuskiptum í bílaflota ríkisstofnana og ríkisfyrirtækja. Hlutfall orkuskipta hjá SAk er nú 43,8% samkvæmt viðmiðum verkefnisins.
Í bílaflota sjúkrahússins eru átta bifreiðar: þrír rafmagnsbílar, einn tengiltvinnbíll og fjórir bílar sem ganga fyrir jarðefnaeldsneyti. -
Umhverfis- og orkustofnun heldur utan um eftirfylgni orkuskipta í bílaflota ríkisins og veitir viðurkenningar eftir því hversu langt stofnanir og fyrirtæki hafa náð. Bronsdekk fæst við 30% hlutfall orkuskipta, silfurdekk við 60%, gulldekk við 90% og platínudekk þegar orkuskiptum er að fullu lokið.
Samkvæmt aðgerðaáætlun stjórnvalda í loftslagsmálum er stefnt að því að ríkisstofnanir og ríkisfyrirtæki ljúki orkuskiptum í fólks- og sendibifreiðaflota sínum fyrir árslok 2029. Markmiðið nær einnig til aðkeyptrar samgönguþjónustu, svo sem leigu- og bílaleigubíla.
Bronsdekkið er ánægjuleg staðfesting á þeim árangri sem þegar hefur náðst hjá SAk og hvatning til áframhaldandi orkuskipta segir á vefsíðu Sjúkrahússins á Akureyri.
Nýjast
-
SAk hlýtur bronsdekkið fyrir orkuskipti í bílaflotanum
Sjúkrahúsið á Akureyri hefur hlotið bronsdekkið, viðurkenningu fyrir árangur í orkuskiptum í bílaflota ríkisstofnana og ríkisfyrirtækja. Hlutfall orkuskipta hjá SAk er nú 43,8% samkvæmt viðmiðum verkefnisins. -
Svalbarðseyri Framkvæmdir í gangi
Nú standa yfir framkvæmdir á Svalbarðseyri sem munu bæta aðgengi og innviði svæðisins. -
Velferðarstjarnan í sölu fjórða árið í röð
Árleg fjáröflun Velferðarsjóðs Eyjafjarðarsvæðis hófst um liðna helgi með sölu á Velferðarstjörnunni á Glerártorgi. Þetta er fjórða árið í röð sem stjarnan er seld. Allur ágóði rennur óskiptur til Velferðarsjóðsins sem styður efnaminni einstaklinga og fjölskyldur á Eyjafjarðarsvæðinu. -
Málþing um eflingu rannsókna á áhættuþáttum sjálfsvíga og dauðsfalla vegna óhappaeitrana
Undanfarin 10 ára hafa að meðaltali 40 einstaklingar á ári látist í sjálfsvígi á Íslandi. Þeim sem látast vegna óhappaeitrana hér á landi hefur hins vegar fjölgað mikið á síðustu 15 árum og nálgast nú fjöldann sem fellur fyrir eigin hendi ár hvert. Rannsóknir hefur skort á áhættuþáttum sjálfsvíga og dauðsföllum vegna óhappaeitrana hér á landi á síðustu áratugum og aukin þörf er á samstarfsvettvangi til að auka þekkingu á slíkum dauðsföllum. -
Þrír mánuðir í Þingeyjarsveit
Ýmislegt vissi ég um Þingeyjarsveit þegar ég sótti um starf sveitarstjóra í sumar en margt hef ég lært og margt á ég ólært núna þremur mánuðum seinna. Svo lengi lærir sem lifir og það er skemmtilegur lærdómur að kynnast nýju sveitarfélagi og nýju samfélagi. -
VMA fær Íslensku menntaverðlaunin í flokki iðn- og verkmennta
Verkmenntaskólinn á Akureyri (rafdeild) er handhafi Íslensku menntaverðlaunanna í flokki iðn- og verkmennta fyrir sjálfbæra kennslustofumsem rafdeild skólans setti upp fyrr á þessu ári. Forseti Íslands, Halla Tómasdóttir, afhenti verðlaunin á Bessastöðum og Rúv sýndi frá athöfninni í kvöld. Við verðlaununum tóku fyrir hönd VMA Ásta F. Flosadóttir aðstoðarskólameistari og Haukur Eiríksson brautarstjóri rafiðngreina í VMA. -
Skrifað undir samning um stuðning Akureyrarbæjar við verkefni Ferðamálafélags Hríseyjar 2026-2029
Í dag var undirritaður nýr samningur um stuðning Akureyrarbæjar við verkefni á vegum Ferðamálafélags Hríseyjar til ársins 2029. -
Vinir Hlíðarfjalls og Akureyrarbær Samningur um samstarf framlengdur til 2030
Bæjarráð Akureyrar hefur fyrir sitt leyti samþykkt samstarfssamning við Vini Hlíðarfjalls. Hann gildir til loka ársins 2030. Markmið samningsins er að styðja við frekari uppbyggingu og markaðssetningu Hlíðarfjalls með sölu fyrirtækjapakka til aðildarfyrirtækja. -
MýSköpun og Landsvirkjun huga að hátækniframleiðslu við Þeistareyki
Líftæknifyrirtækið MýSköpun ehf. og Landsvirkjun hafa undirritað viljayfirlýsingu um fyrirhugaða afhendingu raforku og nýtingu varma frá Þeistareykjastöð vegna uppbyggingar hátækniframleiðslu á náttúrulegu astaxantíni í nágrenni aflstöðvarinnar.
