Óviðunandi að 20% félagsmanna séu án atvinnu
Félagið hefur þungar áhyggjur af atvinnuástandi í byggingariðnaði og skorar á stjórnvöld að taka höndum saman með aðilum vinnumarkaðarins um að snúa þessari óheillaþróun við og ráðast í mannfrekar framkvæmdir eins og margsinnis hafi verið lofað. Heimir Kristinsson varaformaður félagsins og fyrrum formaður Félags byggingamanna í Eyjafirði segir að staðan norðan heiða sé sú að enn sé verið að segja upp félagsmönnum og margir sem enn starfi innan iðnaðarins séu með tímabundna ráðningarsamninga og búi því við mikla óvissu. Varlega áætlað telur hann að atvinnuleysi meðal félagsmanna sinna sé um 20%, en bætir við að iðnaðarmenn eigi fremur auðvelt með að ganga í önnur störf og hafi margir því snúið sér að öðru nú þegar illa árar í byggingariðnaði.
Þá nefndir Heimir að töluverður hópur iðnaðarmanna úr Eyjafirði hafi leitað á önnur mið, farið til Noregs, en einnig Svíþjóðar, Danmerkur og Álandseyja svo dæmi séu tekin. Einkum eru það menntaðir smiðir sem haldið hafa til útlanda vegna atvinnu og oftast nær séu fjölskyldurnar eftir heima, en dæmi séu líka um heilu fjölskyldurnar sem eru þessa dagana að pakka saman búslóð sinni og halda utan þar sem vinnu er að fá.
„Ég vona svo sannarlega að okkur takist að halda í horfinu, að atvinnuleysið aukist ekki frekar en orðið er, það er nú alltaf svo að verkefni detti inn yfir sumarmánuðina og ég yrði mjög svekktur ef það gengur ekki eftir í sumar líka," segir Heimir. Hann á þó ekki von á öðru en að svipað atvinnuleysi og nú vari fram á næsta ár, fá teikn séu á lofti um betri tíð. Heimir nefnir einnig að útborguð laun iðnaðarmanna hafi lækkað um tugi prósenta frá árinu 2007, þegar fyrst varð samdráttar vart í byggingariðnaði. Þannig hafi til að mynda yfirvinna nánast engin verið um langa hríð hjá þessum hópi.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.