Óttast slys vegna glæfraaksturs
Norðurhorn við Aðalstræti. Til að bregðast við aðgerðarleysi bæjaryfirvalda tóku íbúar sig saman og settu tvær hindranir á gangstéttarbrúnina til að hindra ógæfulegan akstur.
Íbúar í Innbænum á Akureyri gagnrýna ósið margra ökumanna sem nota gangstétt sem akrein meðfram Aðalstræti. Ólafur Kjartansson, íbúi við Aðalstræti, segir að gangstéttin sé þétt upp að húsvegg svo að fólk sem stígur fyrir norðurhorn þessara húsa inn á gangstéttina eigi í hættu að verða undir bíl sem ekið er norður eftir gangstéttinni. Bæjaryfirvöld hafa fengið erindi um hættuna til að bregðast við, fyrst fyrir ári síðan og nú síðast í vor en ekkert hefur verið gert.
„Sem betur fer hefur ekki enn orðið alvarlegt slys vegna þessa en það er ekki spurning um hvort, heldur hvenær það gerist ef ekkert verður að gert,“ segir Ólafur. Hann segir að eftir árangurslausa beiðni um aðstoð framkvæmdasviðs Akureyrarbæjar við bráðabrigðalausn þar til eitthvað varanlegt verði ákveðið hafi íbúar tekið sig saman og sett tvær hindranir á gangstéttarbrúnina til að hindra ógæfulegan akstur. „Þetta er ekki hugsað sem endanleg lausn heldur aðgerð til að minnka slysahættuna þar til veghaldari hefur leyst úr þessu,“ segir Ólafur.
Hann telur nokkuð víst að þetta sé ekki eina svæðið þar sem þetta er að gerast. „Það eru víðar svipaðar aðstæður með blindhorn að gangstéttum, sérstaklega í eldri hverfunum. Það á ekki að bíða eftir næsta slysi til að hafist verði handa við úrbætur gegn jafn augljósri slysahættu.“
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir