Ósátt við að aldraðir fái ekki sjúkraþjálfun í hvíldarinnlögn
Öldrunarheimilið Hlíð á Akureyri.
Guðný Bergvinsdóttir hjúkrunarfræðingur á Akureyri er ósátt við að 75 ára gömul móðir hennar sem er veik og bundin við hjólastól eigi ekki rétt á sjúkraþjálfun í hvíldarinnlögn á Öldrunarheimilinu Hlíð.
Móðir Guðnýjar hefur farið þrisvar í viku part úr degi á Hlíð og notið allrar þeirra þjónustu sem þar er í boði, þar á meðal sjúkraþjálfun einu sinni í viku. Það sé hins hins vegar ekki í boði í hvíldarinnlögn.
„Ég er afar ósátt við að móðir mín skuli ekki njóta þjónustu sjúkraþjálfara sem hún nýtur þegar að hún er í dag þjálfun,“ segir Guðný í samtali við Vikudag. „Móðir mín er með langvinnan sjúkdóm sem hefur leikið hana grátt, er bundin í hjólastól og þarfnast að stoðar við daglegar athafnir. Hún á rétt á þjónustu sem miðast við ástand hennar á hverjum tíma. Sjúkraþjálfunin hefur miðað að því að lina verki og viðhalda hreyfifærni hennar. En sú þjónusta er hins vegar ekki veitt þegar um tímabundna innlögn er að ræða sem í hennar tilfelli eru um 4 vikur í senn,“ segir Guðný.
Að sögn sjúkraþjálfara sem rætt var við staðfestir hann að það megi ekki sinna fólki í hvíldarinnlögn og segir að einstaklingurinn geti jafnvel verið verr á sig kominn eftir hvíldarinnlögnina fái hann ekki sjúkraþjálfun. Til að fá sjúkraþjálfun þarf fólk sem býr utan Öldrunarheimilanna að fá beiðni hjá sínum lækni. Greiða þarf fyrir hluta af meðferðinni á móti Sjúkratryggingum Íslands. „Þetta dugar ekki til þegar um tímabundna dvöl er um að ræða. Við erum búin að láta á það reyna,“ segir Guðný.
Á heimsíðu ÖA segir að tímabundin dvöl sé hugsuð sem eitt af úrræðum til þess að fólk geti dvalið sem lengst heima, en í dvölinni geti fólk byggt sig upp og ættingjar hvílst. „Þetta eru umhugsunarverð og falleg orð en það er ekki nóg ef einstaklingurinn fær ekki þá einstaklingsmiðuðu þjónustu sem Hlíð hefur upp á að bjóða,“ segir Guðný og kallar eftir breytingum. „Bæði fyrir móður mína og aðra sem eru í hennar sporum því þeir eru mun fleiri. Ég tek skýrt fram að ég er ánægð með flest það sem gert er á Hlíð og þakka sannarlega fyrir það. En það breytir því ekki að það eru vankantar sem mjög brýnt er að laga.“
Segir um kerfislægan vanda að ræða
Halldór Sigurðsson, framkvæmdastjóri Öldrunarheimila Akureyrar, segir spurður um málið að hjá ÖA séu tímabundnar dvalir og fær stofnunin greitt fyrir það eins og venjuleg hjúkrunarrými. Hins vegar hafi ekki fengist viðurkennd endurhæfingarrými og þess vegna sé minni þjónusta í hvíldarrýmum.
„Þessi staða er ekki góð, eða eins og maður myndi vilja sjá,“ segir Halldór. „Það hefur ítrekað verið bent á það við viðeigandi yfirvöld að þessi skerðing sé ekki í anda sjálfræðis né í takti við það sem er gert t.d. í Danmörku. Þetta er eitt af fleiri svæðum sem skapa notendum og okkur ákveðna erfiðleika í að aðlaga þjónustu að þörfum fólks og myndi líklegast kallast kerfislægur vandi, sem takmarkaður áhugi virðist til að taka á þrátt fyrir ábendingar,“ segir Halldór.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.