Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað.
Hann segir að umtalsverðum orkusparnaði hafi verið náð um tíðina með bættum tækjabúnaði inni á heimilum, öll algengustu heimilistæki eru til muna sparneytnari en áður var, ledljós hafi leyst glóperur af hólmi sem hafði jákvæð umskipti í för með sér og þá skipti breytt notkun einnig máli.
Tæplega 1400 rafbílar
Nú hin allra síðustu ár hefur rafmagnsnotkun aukist lítillega og er skýring þar á fyrst og fremst sú að rafbílum hefur fjölgað. Um síðastliðin áramót voru alls 1.368 rafbílar skráðir á svæðinu og segir Baldur Hólm fagstjóri rafveitu að orkuskipti í samgöngum á Akureyri hafi farið vel af stað. Byggst hafi upp staðir sem bjóða upp á hraðhleðslu þar sem í boði er að hlaða bíla. Þá segir hann að eigendur raf- og tengiltvinnbíla hafi tekið vel í að hlaða sína bíla utan álagstíma dreifikerfisins, þ.e.að nýta einkum tímann frá kl. 22 á kvöldin og til 8 að morgni til hleðslu.
Hóf í kaup á hleðslustöð
„Samtímaálag dreifikerfis og hleðsluhegðun bæjarbúa skipa nokkuð stóran þátt í að nýta dreifikerfi og innviði með hagkvæmum hætti,“ segja þeir. „Rafhleðsla í samgöngum mun færa okkur áhugaverð en jafnframt krefjandi verkefni næstu árin. Við höfum bent eigendum rafbíla á að gæta hófs við val á hleðslubúnaði heima fyrir, einkum með hliðsjón af því að meðalakstur fólksbíla á Íslandi er um 38 kílómetrar á dag.“
Þeir segja mikilvægt að sníða sér stakk eftir vexti, kaupa ekki of stóra hleðslustöð en á því hafi borið meðal eigenda rafbíla en slíkt sé algjör óþarfi.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir