Öll starfsemi Stapa lífeyrissjóðs endurskoðuð
Frá fundi Stapa í gærkvöld.
Stapi lífeyrissjóður varð vissulega fyrir þungu höggi í kjölfar bankahrunsins, rétt eins og aðrir lífeyrissjóðir í landinu. Staða sjóðsins er engu að síður nokkuð sterk og við erum óðum að jafna okkur eftir hrunið þótt vissulega sé á brattann að sækja. Það er ekki svo að lífeyrissjóðirnir hafi þurrkast upp, því fer víðs fjarri, segir Kári Arnór Kárason framkvæmdastjóri Stapa. Stjórn Stapa hefur haldið nokkra fundi á starfssvæði sjóðsins undanfarna daga, sá síðasti var á Akureyri í gærkvöld. Tilefni fundanna er nýleg skýrsla um úttekt á fjárfestingarstefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008.
Í skýrslunni er ekki dregin upp rétt mynd af því hvernig lífeyrissjóðirnir komu út úr hruninu, of mikil áhersla er lögð á hvað fór aflaga. Að sjálfsögðu á að ræða þau atriði í þaula, en á sama hátt er eðlilegt að benda á hvað vel var gert. Ávöxtunin hefur ekki verið nógu góð til að standa að fullu undir lífeyrisréttindum framtíðarinnar, enda ytri aðstæður um margt óhagstæðar. Ég bendi á að lífeyrir hefur hækkað um nærri 30 % frá hruni, sem er meiri hækkun en hjá þorra launþega. Kári segir að öll starfsemi sjóðsins hafi verið endurskoðuð, nú sé eingöngu horft til áhættuþols sjóðsins varðandi fjárfestingar, ekki til annarra lífeyrissjóða eða fjárfesta. Starfsfólki verði fjölgað á næstunni, þannig að starfsemin verði sem öruggust.
Nauðsynlegt að fylgjast með réttindum
Björn Snæbjörnsson formaður Einingar-Iðju er í stjórn Stapa. Hann hvetur fólk til að fylgjast vel með sínum réttindum. Lífeyrissjóðirnir eru ekkert annað en sameiginleg eign þeirra sem greiða í viðkomandi sjóð. Staða Stapa verður að teljast þokkalega góð miðað við aðstæður. Ég bendi til dæmis á að fjárhagslegar eignir jukust í sjóðum hrunárið mikla. Sum eignasöfn skiluðu okkur arði, þótt önnur söfn hafi tapað miklu. Stapi stendur því ágætlega, sem betur fer. Ég hvet fólk til að fylgjast með sínum réttindum.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.