Ökukennari skammar Akureyringa fyrir framúrakstur
Jónas Þór Karlsson, ökukennari á Akureyri, segir alltof algengt að tekið sé glannlega framúr innanbæjar og biðlar til ökumanna að fara gætilega. Jónas skrifar um málið á Facebook og segir að nú sé mál að linni.
„Nú er kominn tími á að menn fari aðeins að slaka á í umferðinni! Ég og nemarnir mínir eru mjög oft að lenda í því að tekið sé glannalega framúr okkur innanbæjar hér á Akureyri. Vil ég minna á að hámarkshraði innanbæjar er 50 km á klst. nema annað sé tekið fram. Í flestum íbúahverfum er hámarkshraðinn 30 km á klst. Framúraksturinn á sér stað þótt við séum að aka á hámarkshraða og skiptir engu hvort um sé að ræða ökukennslu á venjulegum bíl eða til aukinna ökuréttinda."
Nemendur verða oft skelkaðir
Jónas segir þetta ekki vera góða umferðarmenningu og hafi mjög slæm áhrif á nemendur.
„Þeir verða oft skelkaðir (skiljanlega miðað við aksturslag sumra) við þennan glæfraakstur. Dæmi eru um að fólk hafi farið á beygjuakreinar til að taka framúr en einnig látið umferð sem kemur á móti þurft að víkja. því miður hefur þetta verið mjög slæmt þessa vikuna og duga fingur beggja handa ekki til þess að telja tilfellin og hefur oft legið við slysi.
Ef ökumönnum liggur svo lífið á að þeir telja sig þurfa að aka svona glæfralega er alveg spurning hvort þeir þurfi ekki aðeins að fara að skoða sín mál. Farið varlega í umferðinni og munið að það eru fleiri en þið þarna úti," skrifar Jónas.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir