Okkar Akureyri
Eva Hrund Einarsdóttir
Stefnuskrá Sjálfstæðismanna fyrir bæjarstjórnarkosningarnar í vor verður kynnt undir slagorðinu Okkar Akureyri en að vinnu við stefnuskrána hafa komið á þriðja hundrað manns. Við Akureyringar höfum öll skoðanir á því sem betur má fara á einn eða annan hátt í bæjarfélaginu. Okkur Sjálfstæðismönnum finnst mikilvægt að hlusta á raddir bæjarbúa. Við undirbúninginn höfum við lagt mikla áherslu á að hitta sem flesta og gefið öllum kost á því sem áhuga hafa haft, að hitta okkur og koma málum sínum á framfæri.
Gefandi vinna
Vinna síðustu mánaða hefur verið einstaklega gefandi og skemmtileg. Við höfum fengið til okkar í rýnihópa yfir hundrað og fimmtíu manns sem tengjast starfsemi og þjónustu bæjarins á einhvern hátt. Á vinnufundi sem opinn var öllum bæjarbúum var unnið að því að forgangsraða verkefnum auk þess sem margar nýjar hugmyndir komu fram. Greinilegur vilji er hjá mörgum að gera bæinn okkar enn betri.
Við frambjóðendur höfum síðustu vikur gengið um öll hverfi bæjarins. Höfum hitt fulltrúa í hverfisnefndum og íbúa til þess að fá fram hvað betur má fara í nærumhverfi hvers og eins. Þetta eru vinnubrögð sem gáfust okkur vel og við höfum áhuga á að viðhalda eftir kosningar.
Fjölskyldan í fyrirrúmi
Síðustu daga höfum við verið að vinna með málaflokka er tengjast velferðar- og fjölskyldumálum. Má þar nefna heilsugæslustöðina en hana viljum við efla í samstarfi við heilbrigðisráðuneytið. Við viljum tryggja öllum bæjarbúum góða þjónustu þar sem biðtími er stuttur. Efla þarf sálfræðiþjónustu og standa vörð um börn í erfiðum aðstæðum.
Annað stórt mál eru húsnæðismálin. Leigumarkaðurinn er erfiður, einkum fyrir ungt fólk sem er að stofna heimili því skortur er á litlu húsnæði til kaups eða leigu. Þetta er brýnt málefni sem við leggjum áherslu á að leysa.
Við þurfum að standa vörð um skólabæinn okkar. Við þurfum að setja samræmd mælanleg markmið í leik- og grunnskóla þar sem kannaður er árangur og vellíðan barna með það að markmiði að viðhalda og efla gæði náms og kennslu. Það þarf að samræma og tryggja grunnbúnað í skólum og leggja aukna áherslu á upplýsingatækni.
Stytting á sumarlokunum leikskóla, forvarnir og fræðsla fyrir ungt fólk og foreldra barna og unglinga eru þættir sem við viljum vinna að og efla enn frekar.
Látum gott af okkur leiða
Ofantalið verður hluti af stefnuskrá Sjálfstæðisflokksins fyrir komandi sveitarstjórnarkosningar. Stefnuskrá sem mótuð hefur verið af fjölmörgum Akureyringum sem vilja bæta bæinn sinn. Það er svo mikilvægt að við hugsum öll sem eitt vel um bæinn og séum dugleg að láta gott af okkur leiða til barna okkar, vina, fjölskyldu, nágranna og samfélagsins í heild. Við þökkum öllum þeim sem hafa lagt okkur lið í stefnuskrárvinnunni. Þetta er OKKAR AKUREYRI og við getum öll lagt af mörkum til að gera hana enn betri.
Eva Hrund Einarsdóttir.
Eva Hriund skipar annað sæti á framboðslista Sjálfstæðisflokksins á Akureyri.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.