Óánægja hjá starfsfólki Punktsins
Starfsemi Punktsins fer fram í Rósenborg
Einum starfsmanni Punktsins á Akureyri hefur verið sagt upp störfum og starfshlutfall annarra starfsmanna skert. Þjónustan mun minnka töluvert og sumarlokanir lengjast. Þetta er gert vegna sparnaðar hjá Akureyrarbæ. Alls störfuðu sjö manns á Punktinum, en verða fjórir frá og með 1. júní næstkomandi, þar sem tveir starfsmenn hafa sagt upp vegna óánægju. Punkturinn er handverks- og tómstundarmiðstöð sem var stofnuð árið 1994 fyrir atvinnulausa og er opinn öllum í dag.
Sigríður Ágústsdóttir, list-og handverksleiðbeinandi á Punktinum, segir starfsfólkið virkilega ósátt við þessa skerðingu en nánar er fjallað um málið í prentútgáfu Vikudags sem kom út í gær.
Yfirlýsing formanns og varaformanns
Vegna fréttar blaðsins hafa formaður og varaformaður Samfélags-og mannréttindarráðs sent frá sér yfirlýsingu:
Punkturinn er almenn handverks- og tómstundamiðstöð opin öllum almenningi. Aðalmarkmiðið er að gera fólki kleift að sækja námskeið hjá fag- og listafólki til að fá undirstöðuatriði á þekkingu á hverskonar handverki sem verið er að bjóða upp á ásamt því að bjóða upp á opna vinnuaðstöðu til handverksiðkunar. Rétt er að taka fram að ekki er um lögbundna starfsemi að ræða.
Við gerð fjárhagsáætlunar fyrir árið 2014 kom fram 15 milljón kr. þverpólitísk hagræðingarkrafa eyrnamerkt Punktinum frá bæjarráði til samfélags- og mannréttindaráðs sem fer með yfirstjórn málaflokksins. Það hefði þýtt lokun á starfseminni eða í besta falli mjög skerta starfsemi og endurskipulagningu á öllu starfi. Með samstilltu átaki tókst fulltrúum í samfélags- og mannréttindaráði að fá hagræðinguna lækkaða í tæpar 6 milljónir og að einungis hluti hennar eða rúmar 2 milljónir myndi lenda á Punktinum. Þverpólitísk samstaða var í ráðinu að fara þessa leið.
Þrátt fyrir lækkun á hagræðingarkröfu var ljóst að hjá Punktinum yrði ekki hægt að hagræða á annan hátt en að lækka launakostnað sem gert var með skerðingu á starfshlutföllum allra starfsmanna Punktsins. Engum hefur verið sagt upp störfum að fullu. Með þessum aðgerðum ætti að nást sú hagræðing sem krafa var um.
Eins og gefur að skilja var starfsfólk ekki sátt við aðgerðirnar en formaður og varaformaður samfélags- og mannréttindaráðs funduðu með starfsfólki Punktsins til þess að fara yfir málið og útskýra.
Hlín Bolladóttir formaður samfélags- og mannréttindaráðs
Tryggvi Þór Gunnarsson varaformaður samfélags- og mannréttindaráðs
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.