Nýtt Vikublað komið út
Vikublaðið er komið út með alls konar efni að venju.
Meðal þess sem lesa má um í nýju blaði er umfjöllun um jarðskjálftarannsóknir í Traðargerði við Húsavík og opnun kvennaathvarfs á Akureyri. Þá er fjallað um það mikla starf sem fram hefur farið í sumar, m.a. í Kjarnaskógi en skógar komu illa undan snjóþungum vetri og endist árið ekki í tiltektina. Stjarna úr heimi alþjóðlegrar kvikmyndatónlistar er væntanleg í Hof á Akureyri, biðlisti hefur verið eftir að komast að á tjaldsvæðum í Norðurþingi, enda veðurblíða mikil á þeim slóðum.
Þá má næla sér í uppskrift af vegan marensbotnum með lestri blaðsins. Fjallað er um landamæraskimun tvö sem fram fer í húsnæði við Strandgötu og hvernig hún gengur fyrir sig. Oddur Helgi Halldórsson veltir fyrir sér í grein af hverju ekki megi hjóla í Vaðlaheiðagöngum og Arngrímur B. Jóhannsson þakkar slökkviliði og lögreglu fyrir góð vinnubrögð á vettvangi elds.
Verktaki skildi eftir rusl og spilliefni á Húsavíkurhöfða og þarf bærinn að hreinsa upp á eigin kostnað. Æfingar eru hafnar á nýju sviðslistaverki sem frumsýnt verður á Hælinu í september. Ungir krakkar í Siglingaklúbbnum Nökkva stóðu sig vel á Íslandsmóti á dögunum.
Um þetta er fjallað í blaðinu og líka sagt frá ansi merkilegum ungum veiðimanni sem fór með föðurbróður sínum í veiðiferð í Laxá fyrr í þessum mánuði. Hann veiddi 60 sentímetra langan urriða á svæði sem nefnist Brunnhellishróf. Hannn notaði flugu sem afi hans Gylfi heitinn Kristjánsson hnýtti og heitir Krókurinn. Veiðimaðurinn, Benjamín Þorri Bergsson 14 ára veiddi á sama stað í fyrra og fékk jafnstóran fisk með sömu flugu. Jón Gunnar Benjamínsson segir frá þessu í spjalli í nýju Vikublaði.
Nýjast
-
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins.
Athugasemdir