Nýtt meðferðarheimili opnað í Eyjafirði
Meðferðarheimilið Bjargey var formlega opnað af Ásmundi Einari Daðasyni, mennta- og barnamálaráðherra, á mánudag. Opnunin er liður í að fjölga úrræðum fyrir börn með fjölþættan vanda. Greint er frá þessu á vef stjórnarráðsins.
Meðferðarheimilið er ríkisrekið langtímameðferðarheimili á vegum Barna- og fjölskyldustofu ætlað stúlkum og kynsegin. Meginmarkmið meðferðarheimilisins er að veita sérhæfða meðferð vegna alvarlegra hegðunarerfiðleika, vímuefnaneyslu og meintra afbrota.
„Við þurfum að fjölga úrræðum fyrir börn sem glíma við ýmsar áskoranir til þess að þau geti orðið farsæl þegar uppi verður staðið. Sömuleiðis þurfum við að tryggja skilvirkt eftirlit með starfseminni og er það hlutverk nýrrar Gæða- og eftirlitsstofnunar velferðarmála.“ segir Ásmundur Einar Daðason, mennta- og barnamálaráðherra
Starfsemin er hafin og á heimilinu dvelja nú tvær stúlkur en þar geta dvalið 4-5 einstaklingar hverju sinni. Lögð er áhersla á að búa þeim einstaklingum sem þar dvelja öruggt skjól og meðferð við hæfi. Á meðferðarheimilinu verður leitast við að þeir einstaklingar sem eru í meðferð fái tækifæri til að vaxa og dafna í heilbrigðu umhverfi.
Áhersla er lögð á einstaklingsmiðaða nálgun sem miðar að þörfum unglinga með alvarlegan hegðunarvanda. Stuðst er við aðferðir sem byggja á atferlismótun, hugrænni atferlismeðferð, áfallamiðuðum stuðningi, þjálfun í félagsfærni, sjálfsstjórn og félagsvænum viðhorfum. Unnið er í nánu samstarfi við aðstandendur þar sem meginmarkmiðið er að aðlaga einstakling aftur heim til forsjáraðila.
Forstöðumaður heimilisins er Ólína Freysteinsdóttir, BA í nútímafræðum og MA í fjölskyldumeðferð og náms- og starfsráðgjöf. Auk hennar starfa sem stendur 9 aðrir einstaklingar með fjölbreytta reynslu og menntun.
Starfsemi meðferðarheimilisins er undir eftirliti nýrrar Gæða- og eftirlitsstofnunar velferðarmála sem tók til starfa 1. janúar sl.
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir