Nýr samningur um Minjasafn og skáldasöfn
Samningana undirrituðu Sigfús Karlsson formaður stjórnar Minjasafnsins á Akureyri og Ásthildur Sturludóttir bæjarstjóri á Akureyri. Mynd/Ragnar Hólm.
Ásthildur Sturludóttir bæjarstjóri á Akureyri og Sigfús Karlsson formaður stjórnar Minjasafnsins á Akureyri undirrituðu nýverið nýja samninga til næstu þriggja ára um þjónustu Minjasafnsins og rekstur skáldasafnanna Nonnahúss og Davíðshúss. Greint er frá þessu á vef Akureyrarbæjar.
Í þjónustusamningnum við Minjasafnið er getið um starfsemi, hlutverk og tilgang safnsins en það er í eigu sveitarfélaganna Hörgársveitar, Akureyrarbæjar, Eyjafjarðarsveitar, Svalbarðsstrandarhrepps og Grýtubakkahrepps.
Minjasafnið safnar á markvissan hátt munum og ljósmyndum sem endurspegla lífshætti og menningu á starfssvæðinu skv. söfnunarstefnu samþykktri af stjórn safnsins. Munir sem tekið er á móti eru varðveittir um ótiltekinn tíma í varðveislumiðstöð safnsins. Safnið skráir safnkostinn í miðlægan gagnagrunn, stendur fyrir eða á samstarf um rannsóknir á menningarminjum á starfssvæði safnsins og birtir rannsóknarniðurstöður. Hlutverk safnsins er einnig að miðla menningararfnum, standa fyrir ýmsum viðburðum og sinna fræðslu og efla menningarlæsi.
Í rekstrarsamningi vegna skáldasafnanna er kveðið á um hlutverk Minjasafnsins við umsjón með söfnum skáldanna, faglegu safnastarfi, varðveislu safngripa, miðlun og fræðslu. Samningarnir sem undirritaðir voru gilda til 31. desember 2023, segir á vef Akureyrarbæjar.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir