Ný lög gætu fækkað fasteignasölum á Akureyri
Mynd/Hörður Geirsson
Ný lög um sölu fasteigna tóku gildi í byrjun vikunnar en markmið breytinganna er að tryggja mun ríkari
neytendavernd. Í mörgum tilfellum er um algerar grundvallarbreytingar að ræða. Með lögunum hafa t.a.m einungis fasteignasalar heimild til þess að sinna öllum helstu störfum er varða milligöngu um fasteignaviðskipti. Þannig mega almennir sölumenn á fasteignasölum ekki selja eignir lengur.
Fasteignasalar á Akureyri sem Vikudagur hefur rætt við segja að nýju lögin muni hafa gríðarleg áhrif á svæðinu. Um tíu fasteignasölur eru starfandi á Akureyri og í langflestum þeirra er aðeins einn löggiltur fasteignasali. Því er viðbúið að fasteignasölur þurfi að fara í gegnum mikla endurskipulagningu og sumar gætu lagst niður.
Nánar er fjallað um málið í prentútgáfu Vikudags.
-þev
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir