NorðurHjálp fékk húsnæði við Dalsbraut
„Við hlökkum mikið til að taka á móti okkar góðu viðskiptavinum á nýjum stað,“ segir Sæunn Ísfeld Guðmundsdóttir sem í félagi við stöllur sínar rekur nytjamarkaðinn NorðurHjálp. Starfsemin hófst í lok október síðastliðnum í hluta af fyrrverandi húsakynnum Hjálpræðishersins við Hvannavelli, en samningur rann út nú í byrjun apríl.
Nýtt hús undir markaðinn fannst við Dalsbraut, um 400 fermetra stór salur ofan við Bakaríið við brúna og verður gengið inn frá bakatil. „Húsnæðið er nánast hrátt og mikið verk fram undan við að laga til, bæta og breyta. Við fáum sem betur fer góða hjálp, það er svo fallegt hvað allir eru boðnir og búnir að aðstoða okkur á alla lund. Við erum svo innilega þakklátar fyrir hvað okkur er allir eru tilbúnir að aðstoða,“ segir Sæunn. Sem dæmi nefnir hún að Höldur lánaði sendibíl til flutninganna og Greifinn gaf fólki að borða þegar flutningum lauk. „Við erum orðlausar yfir hvað allir eru almennilegir við okkur.“
Hún telur að þrjár vikur, jafnvel mánuð taki að koma húsnæðinu í viðunandi horf og hlakkar til að geta opnað á nýjum stað. „Við erum ánægðar með þetta húsnæði, það er rúmgott og verður eftir endurbætur mjög flott. Aðkoma og aðgengi er líka ljómandi gott.Við teljum okkur heppnar að hafa fengið þetta húsnæði."
Styðja þá sem höllum fæti standa
NorðurHjálp hefur verið starfandi um 5 mánaða skeið. Greidd er leiga en allir sem starfa á markaðnum eru launalausir sjálfboðaliðar. Öll innkoma fer í að rétta þeim sem höllum fæti standa í okkar nærsamfélagi hjálparhönd. „Við erum afskaplega glaðar og stoltar af þeim árangri sem við höfum náð á þeim skamma tíma sem við höfum starfað, en við höfum getað veitt fólki sem ekki nær endum saman á bilinu frá 5 til 6 milljónir króna.
Það er mikill fjöldi fólks sem leggur okkur lið með því að gefa okkur varning, fatnað, leikföng, húsgögn, búsáhöld, allt milli himins og jarðar í raun og svo er líka góður hópur viðskiptavina sem kemur reglulega til okkar.
Það er heimilislegt hjá þeim stöllum í NorðurHjálp
Þetta er gott samspil og gerir að verkum að við getum látið gott af okkur leiða í samfélaginu.“
Nýjast
-
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss.
Athugasemdir