Nóg að gera á Norðurlandi
Ingibjörg Isaksen
þingflokksformaður Framsóknar
Fyrsti þingmaður Norðausturkjördæmis
Það er óhætt að segja að mikil framsókn hafi verið að undanförnu í ferðaþjónustu á Norðurlandi. Síðustu ár hefur ferðaþjónusta á Norðurlandi-eystra blómstrað. Með nýjum upplifunum er möguleiki að ná fleiri ferðamönnum á svæðið og fá þá til þess að stoppa lengur, aðal vandamál ferðaþjónustunnar á svæðinu hefur verið stutt ferðamannatímabil en með tilkomu á beinu flugi Niceair á Akureyri eru allar líkir á að tímabilið muni lengjast í báðar áttir. Góðar fréttir berast af bókunarstöðu í ferðir þessa nýja flugfélags sem án efa mun reynast mikil lyftistöng fyrir ferðaþjónustu á Norðurlandi.
Fjölbreytt ferðaþjónusta
Það er óhætt að segja að tækifæri leynist víða á svæðinu og það er ánægjulegt að sjá frumkvöðla í nýsköpun í ferðaþjónustu taka af skarið. Hótel á Norðurlandi eru víðast hvar að verða uppbókuð sem er sérstaklega ánægjulegt eftir erfið ár í covid faraldri. Við sem höfum ferðast um Norðurland vitum hversu fjölbreytt svæðið er, hér má svo sannarlega finna afþreyingu fyrir alla, hvort sem það eru gönguferðir, hvalaskoðun, golf, hjólaferðir o.s.frv. lengi má áfram telja. Svæðið er ríkt af náttúruperlum sem og fjölbreyttum fyrirtækjum í ferðaþjónustu. Demantshringurinn sem var formlega opnaður 2020 hefur styrkt ferðaþjónustuna en hann gerir okkur kleift að heimsækja fjölmargar náttúruperlur á einum degi og hefur opnað norðausturhornið enn betur fyrir innlendum og erlendum gestum
Þá er það sérstakt fagnaðarefni hvað við getum státað okkur af gríðarskemmtilegri og fjölbreytt baðmenningu. Það mætti hugsa sér að búa til leik sem fælist í því að hoppa á milli staða og dýfa tánni ofan í öll böð sem í boði eru. Bjórböðin, Sjópottarnir í Sandvíkurfjöru, Jarðböðin, Sjóböðin og Skógarböðin að ógleymdum öllum sundlaugunum á svæðinuhjálpa til við uppbyggingu ferðaþjónustunnar. Það er sérstaklega ánægjulegt að finna kraftinn sem býr í fyrirtækjum á svæðinu, þar er greinilegt að hér er verið að byggja til framtíðar.
Von um hlýtt og gott sumar eftir erfiðan vetur
Ferðaþjónustan og fyrirtækin á svæðinu væru ekkert ef ekki væri fyrir þá einstaklinga sem standa að baki þeim. Síðust ár hafa svo sannarlega tekið á en með krafti, þrautseigju og dugnaði standa fyrirtækin enn og eiga þau lof skilið. Það eru fyrirtækin sem hjálpa til við að skapa þá menningu og það samfélag sem við viljum búa í. Þau skapa fjölbreytta atvinnu og auðga samfélagið. Því hvet ég alla til þess að vera dugleg að bjóða gestum heim og láta vita af öllum þeim lystisemdum sem Norðurlandið hefur upp á að bjóða. Uppbygging hefur svo sannarlega verið víða á undanförnum árum og við getum verið stolt af svæðinu okkar.
Verum dugleg að nýta okkur þá afþreyingu sem er í boði á svæðinu og njóta sumarsins með þeim sem okkur þykir vænt um.
Skellum okkur í sund, förum í göngutúra, kíkjum á kaffihús eða tónleika og sleikjum sólina.
Gleðilegt sumar!
Ingibjörg Isaksen
þingflokksformaður Framsóknar
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir