Minningartónleikar haldnir um séra Pétur í Laufási
Kórarnir sem syngja á tónleikinum eru Himnodia og Kammerkórinn Ísold undir stjórn Eyþórs Inga Jónssonar og sameinaðir sóknarkórar Péturs, sem Petra Björk Pálsdóttir stjórnar. Álftagerðisbræður syngja eins og þeim einum er lagið og sömuleiðis kvenna-alt tríóið Alt saman. Einsöngvarar verða Hjalti Jónsson, Óskar Pétursson, Örn Viðar Birgisson og Sveinn Dúa Hjörleifsson. Lára Sóley Jóhannsdóttir leikur einleik á fiðlu. Milli laga verður brugðið upp myndbrotum úr lífi Péturs, m.a. myndum frá eftirminnilegum tónleikum, sem haldnir voru í Glerárkirkju til styrktar Pétri fyrir hálfum öðrum áratug.
Norðlensku listamennina þarf tæpast að kynna fyrir Norðlendingum. Kórinn Himnodia er skipaður þrautþjálfuðum söngvurum og hefur sungið hérlendis og erlendis, auk þess að syngja inn á hljómplötu. Kammerkórinn Ísold er skipaður ungum konum á aldrinum 17-26 ára, en þessir kórar eru undir stjórn Eyþórs Inga Jónssonar, organleikara við Akureyrarkirkju. Alt-söngkonurnar Sigrún Arngrímsdóttir, Elví Hreinsdóttir og Arna Valsdóttir skipa trióið Alt saman sem fer á kostum í gömlum dægurlagaperlum. Hjalti Jónsson tenór og Lára Sóley Jóhannsdóttir fiðlusnillingur eru einstakir tónlistarmenn og húmoristar, líkt og Örn Viðar Birgisson og Óskar Pétursson og bræður hans frá Álftagerði sem hafa sungið fyrir Norðlendinga allt frá vöggu til grafar undanfarna áratugi.
Sveinn Dúa hefur undanfarin misseri verið við nám og söng í Vínarborg og er talinn af tónlistarfólki einn efnilegasti tenórsöngvari landsins. Til marks um það hefur hann verið valinn til að syngja ásamt Kristni Sigmundssyni við opnunarhátíð í tónleikahöllinni Hörpu í Reykjavík í maí. Á dögum séra Péturs kom Sveinn gjarnan heim um hátíðar og söng við messur í Laufási, en þeir voru miklir vinir enda nátengdir. Sveinn er systursonur Ingibjargar, ekkju Péturs. Móðir hans var Sigþrúður "Dúa" Siglaugsdóttir, sem lést úr krabbameini í október 2006.
Í hljómsveitinni verða norðlenskir hljóðfæraleikarar, flestir kennarar við Tónlistarskólann á Akureyri, en Gunnar Þórðarson sér um útsetningar og hljómsveitarstjórn
Það verður því „tekið á því" og jafnframt sungið inn að innstu hjartarótum á minningartónleikum Péturs. Tónleikarnir eru haldnir í tilefni þess að Pétur hefði orðið sextugur á árinu, en hann lést 1. mars 2007 eftir langvinn veikindi. Auk tónleikanna verður gefin út bók í minningu Péturs sem kemur út á afmælisdegi hans í júli. Í bókinni verða minningar samferðamanna um Pétur auk valdra kafla úr predikunum hans hans, tækifærisræðum og greinaskrifum. Bókinni mun fylgja DVD diskur með heimildamynd um Pétur eftir Gísla Sigurgeirsson, kvikmyndagerðarmann. Hagnaður af tónleikum og bókaútgáfunni rennur í minningarsjóð um sr. Pétur. Hlutverk sjóðsins verður að hlaupa undir bagga með einstaklingum og fjölskyldum sem lenda í erfiðleikum vegna veikinda af svipuðum toga og séra Pétur stríddi við. Sjóðurinn verður nánar kynntur á tónleikunum.
Þeir sem vilja gerast áskrifendur að bókinni geta skrifað sig á lista sem liggja mun frammi á tónleikunum, eða sent bókun til nordri@nordri.is Nöfn þeirra verða jafnframt sett á sérstakan minningalista, Tabula memorialis, sem birtur verður í bókinni. Miðasala á tónleikana er hafin í Hofi og á vefnum http://www.menningarhus.is/, segir í fréttatilkynningu.
Nýjast
-
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00